https://sputnik.kg/20220107/kamchybek-tashiev-deputattardy-kakty-1061059172.html
Унчукпай отуруп бер! Ташиев Кадырбеков менен Айдарбековду какты. Видео
Унчукпай отуруп бер! Ташиев Кадырбеков менен Айдарбековду какты. Видео
Sputnik Кыргызстан
УКМК төрагасы Камчыбек Ташиев парламентте Казакстанга аскер күчтөрүн жиберүүгө каршы чыккан депутаттар — Нуржигит Кадырбеков менен Чыңгыз Айдарбековду какты. 07.01.2022, Sputnik Кыргызстан
2022-01-07T13:29+0600
2022-01-07T13:29+0600
2022-01-07T13:47+0600
казакстан: 2022-жылдагы газ митингдери
кыргызстан
видео
саясат
камчыбек ташиев
нуржигит кадырбеков
чек ара
чыңгыз айдарбеков
https://sputnik.kg/img/07e6/01/07/1061058967_0:28:1257:735_1920x0_80_0_0_0372c3e2952f594751e6724e7556d0c0.jpg
Кадырбеков эгер кыргыз жоокери бир нерсе болсо жоопкерчилик Жогорку Кеңештин депутаттарында болорун айтты. Андыктан ал адамдын каны үчүн жооп берүүгө даяр эместигин билдирген.Ал эми Айдарбеков эгер ЖККУнун бир эле өлкөсү макулдук бербесе, жалпы чечим кабыл алынбай турганын белгиледи.Андан соң УКМК төрагасы Камчыбек Ташиев эгер Кыргызстан мамлекеттик деңгээлдеги макулдашууну аткарбаса, эртең казак тарап чек араны жаап салса азыркы депутаттарга жооп бербей турганын белгиледи.“Урматтуу депутаттар, азыр өзүн пиар кылууга убакыт болбой жатат. Мен ачык эле айтып коёюн, азыр “Ак жол” менен “Ак тилек” чек ара бекеттерин жабышты. Эртең эмне үчүн бизге ун келбей калганына, бир кап ун 10 миңге, литр бензин 100 сомго чыгып кеткенине Айдарбеков жооп берсин. Мамлекетти дагы ойлошубуз керек. Биз эми көчөдө жүргөн адамдар эмеспиз да, сиздердин алдыңыздарга жалынып-жалбаргыдай. Өзүбүз үчүн эмес, силер, мамлекет, коомчулук үчүн чечип жатабыз”, — деди Ташиев.Ошондой эле ал Кадырбековду дагы кагып, ал өзүн пиарлап жатканын айтты.Андан соң Кадырбеков ортого чыгып, Казакстан мындан дагы кыйын күндөрдө чек арасын жапканын белгилеп, адамдын жан дүйнөсүнө кирип-чыкпагандан кийин “пиар” деген сөздү айтуудан карманууга чакырды.Ташиев саясаттагы көп жылдык тажрыйбасын эске салып, “кайсы депутаттын ою кандай экенин айттырбай билем” деп жооп берди.Ар кандай эмоциялуу сөздөр айтыла баштагандыктан депутаттар Жогорку Кеңештин жыйынын жабык эшик артында өткөрүүнү чечишти.
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, видео, саясат, камчыбек ташиев, нуржигит кадырбеков, чек ара, чыңгыз айдарбеков, видео
кыргызстан, видео, саясат, камчыбек ташиев, нуржигит кадырбеков, чек ара, чыңгыз айдарбеков, видео
Унчукпай отуруп бер! Ташиев Кадырбеков менен Айдарбековду какты. Видео
13:29 07.01.2022 (Жаңыртылды: 13:47 07.01.2022) УКМК төрагасы Камчыбек Ташиев парламентте Казакстанга аскер күчтөрүн жиберүүгө каршы чыккан депутаттар — Нуржигит Кадырбеков менен Чыңгыз Айдарбековду какты.
Кадырбеков эгер кыргыз жоокери бир нерсе болсо жоопкерчилик Жогорку Кеңештин депутаттарында болорун айтты. Андыктан ал адамдын каны үчүн жооп берүүгө даяр эместигин билдирген.
Ал эми
Айдарбеков эгер ЖККУнун бир эле өлкөсү макулдук бербесе, жалпы чечим кабыл алынбай турганын белгиледи.
“ЖККУнун чечимдери консенсустун негизинде кабыл алынат. Эгер бир эле өлкө каршы болсо чечим өтпөйт. Биздин өлкөдө аскер күчтөрүн жөнөтүүнү Жогорку Кеңеш чечет. ЖККУ уставынын 5-беренесинде “Агрессия жасалган учурда” деп турат. Агрессия ким тарабынан болду? Андан кийин “Жамааттык коргонуу иштери жасалат” деп жазылган. Кимден коргонот? Өз элиненби?” — деп суроо салды Айдарбеков.
Андан соң УКМК төрагасы
Камчыбек Ташиев эгер Кыргызстан мамлекеттик деңгээлдеги макулдашууну аткарбаса, эртең казак тарап чек араны жаап салса азыркы депутаттарга жооп бербей турганын белгиледи.
“Урматтуу депутаттар, азыр өзүн пиар кылууга убакыт болбой жатат. Мен ачык эле айтып коёюн, азыр “Ак жол” менен “Ак тилек” чек ара бекеттерин жабышты. Эртең эмне үчүн бизге ун келбей калганына, бир кап ун 10 миңге, литр бензин 100 сомго чыгып кеткенине Айдарбеков жооп берсин. Мамлекетти дагы ойлошубуз керек. Биз эми көчөдө жүргөн адамдар эмеспиз да, сиздердин алдыңыздарга жалынып-жалбаргыдай. Өзүбүз үчүн эмес, силер, мамлекет, коомчулук үчүн чечип жатабыз”, — деди Ташиев.
Ошондой эле ал Кадырбековду дагы кагып, ал өзүн пиарлап жатканын айтты.
“Эртең бир нерсе болсо Нуржигит Кадырбеков жооп бербейт, “мен адамдардын канынан корком” деп коюп отурат ошол креслосунда. Ошондуктан, депутаттар, мен сиздерди дагы бир жолу чакырып кетем, азыр өзүн пиарлап, саясат кыла турган убакыт эмес. Мамлекеттик деңгээлде, президент кабыл алган чечим. Эгер добуш бере албасаң пиарланбай, канды оозуңа албастан жакшынакай болуп унчукпай отуруп бергин. Азыр жети чек ара постунун төртөө жабылды, эртең баары жабылгандан кийин Кадырбеков унду желкесине көтөрүп ташып келип береби?” — деди УКМК төрагасы.
Андан соң Кадырбеков ортого чыгып, Казакстан мындан дагы кыйын күндөрдө чек арасын жапканын белгилеп, адамдын жан дүйнөсүнө кирип-чыкпагандан кийин “пиар” деген сөздү айтуудан карманууга чакырды.
Ташиев саясаттагы көп жылдык тажрыйбасын эске салып, “кайсы депутаттын ою кандай экенин айттырбай билем” деп жооп берди.
Ар кандай эмоциялуу сөздөр айтыла баштагандыктан депутаттар Жогорку Кеңештин жыйынын жабык эшик артында өткөрүүнү чечишти.
