Айдарбеков Чыңгыз Азаматович — өмүр баяны
11:17 16.10.2018 (Жаңыртылды: 15:21 26.01.2022)
Жазылуу
Чыңгыз Айдарбеков 1977-жылы Бишкек шаарында туулган. Жогорку билимдүү, англис тилинде эркин сүйлөйт.
Билими:
1998 — Кыргызстандын эл аралык Университетин аяктап, "Эл аралык байланыштар" боюнча адистигине ээ болгон;
2001 — ушул эле университетинде "Юриспруденция" боюнча магистратураны бүтүргөн;
Эмгек жолу:
1998 — Тышкы иштер министрлигиндеги КМШ башкы Башкармалыгында атташе;
2001 – 2003 — КР ТИМдин КМШ башкы Башкармалыгынын үчүнчү, экинчи катчысы;
2003 – 2005 — КР ТИМдин КМШ Башкармалыгында биринчи катчы;
2005 – 2008 — Кыргызстандын Өзбекстандагы элчилигинде биринчи катчы (кеӊешчисинин бирдигинде). Кыргызстандын Өзбекстандагы иштери боюнча убактылуу ишенимдүү өкүлү.
2008 — КР ТИМдин КМШ Департаментинин көп тараптуу кызматташтык боюнча бөлүмүнүн жетекчиси;
2008 – 2010 — Кыргызстандын Түркмөнстандагы элчилигинин кеӊешчиси.
2011 — КР президент аппаратынын тышкы байланыштар жана протокол бөлүмүнүн жетекчисинин орун басары;
2012 – 2016 — КР Жогорку Кеңешинин аппаратынын эл аралык байланыштар жана протокол бөлүмүнүн жетекчиси;
18.04.2016 – 17.10.2018 — Кыргызстандын Япониядагы атайын жана ыйгарым укуктуу элчиси;
2018-2020 — КР тышкы иштер министри;
2020, октябрь-декабрь — президенттин стратегиялык тышкы саясий жана инвестиция маселелери боюнча кеңешчиси;
2021 — Жогорку Кеңештин VII чакырылышынын депутаты.
Башка маалыматтар:
2011 — натыйжалуу жана чын дилинен аткарган кызматы үчүн Кыргыз Республикасынын Президентинин атынан алкыш жарыяланган.
2012 — КР Жогорку Кеңешинин төрагасынын атынан алкыш жарыяланган.
29.12.2014 — "Мамлекеттик кызматынын 3-класстагы мамлекеттик кеңешчиси" класстык чини бар.
24.10.2017 — Кыргыз Республикасынын атайын жана ыйгарым укуктуу кичи элчиси" дипломатиялык рангы бар.
Эл аралык кылмыш укугу, тынчтыкка жана адамзат коопсуздугуна каршы кылмыштар боюнча 10дон ашык илимий макаланын автору.
Англис тилинде эркин сүйлөйт.
