Путин СССРде туулгандарга Россиянын жарандыгын берүүнү жөнөкөйлөтүүнү сунуштады

© Sputnik / Нина Зотина / Фотобанкка өтүүРоссия жаранынын пасорту. Архив
Россия жаранынын пасорту. Архив - Sputnik Кыргызстан, 1920, 29.12.2021
Жазылуу
Yandex newsTelegram
Мыйзам долбоорунда Россиянын жарандыгын алууда 20дан ашык категориядагы адамдарга карата талаптардын санын кыскартуу каралган.
БИШКЕК, 29-дек. — Sputnik. Россиянын президенти Владимир Путин Мамлекеттик Думага Россия Федерациясынын жарандыгы боюнча мыйзам долбоорун сунуштады. Анын тексти өлкөнүн парламентинин төмөнкү палатасынын мыйзам чыгаруу ишмердүүлүгүнүн электрондук базасында жарыяланды.
Түшүндүрмө катта белгиленгендей, документ РФтин 2019-2025-жылдарга мамлекеттик миграциялык саясатынын концепциясын ырааттуу ишке ашырууга багытталган.
"Бул федералдык мыйзам менен Россия Федерациясынын жарандыгы чөйрөсүндөгү мамилелер, анын ичинде жарандыкка кабыл алуу жана токтотуу шарттары жана тартиби жөнгө салынат", — деп белгиленген документте.
Жаңы мыйзам долбоору Россиянын паспортун жөнөкөйлөштүрүлгөн тартипте ала турган адамдардын 20дан ашык кошумча категориясын камтыйт, атап айтканда:
мекендештер (мурдагы СССРдин жарандары жана алардын балдары, ыктыярдуу көчүрүү программасынын катышуучулары);
Россияда жашаган жакын туугандары барлар — россиялыктар;
Россия империясынын же Советтер Союзунун аймагында (Россия Федерациясынын чектеринде) туруктуу жашагандардын урпактары.
Мындан сырткары, документтин жобосуна ылайык, өлкө башчынын карамагында Россиянын жарандыгына кабыл алуу гана калат. Эми ал төмөнкүлөрдү камтыйт:
мурдагы СССРдин курамындагы өлкөлөрдүн жарандыгы бар Улуу Ата Мекендик согуштун ардагерлери;
Россияга өзгөчө эмгеги сиңген адамдарды;
кесиби, квалификациясы же башка себептер боюнча Россия үчүн кызык болгондорду.
Тышкы иштер министрлигинин Консулдук кызмат департаментинин 3-катчысы Назарбек Кенжеев - Sputnik Кыргызстан, 1920, 27.12.2021
Радио
Кенжеев: эки жарандык менен кош жарандуулуктун айырмасы бар
Россиянын жараны катары тааныла турган адамдардын чөйрөсү да кеңейүүдө:
1992-жылдын 6-февралына чейин Россиянын аймагында жашаган мурдагы СССРдин жарандары;
1992-жылдын 6-февралына чейин Россиянын (РСФСР) аймагында төрөлгөндөр;
туулганда ата-энесинин бири мурдагы СССРдин жараны болгон жана Россияда (РСФСР) туруктуу жашагандар;
СССРге же Россия Федерациясына аскердик ант берген жана 1992-жылдын 6-февралында башка мамлекеттердин аймактарында Россиянын аскердик бөлүктөрүндө кызмат өтөгөн аскер адамдары.
Ошондой эле инсандын башка жарандыгы болсо деле бул көрүнүш ага Россиянын жарандыгын берүүгө жолто болбойт. Мыйзам долбоору Россиянын жарандыгын токтотуу институтун киргизет. Өлкөнүн паспортунан ажырай турган аракеттердин тизмеси кеңейүүдө: эми ага террордук кылмыштардан тышкары мамлекетке каршы оор кылмыштар жана баңги кылмыштары да кирет.
Медайым Спутник V вакцинасы менен - Sputnik Кыргызстан, 1920, 29.12.2021
Путин: "Спутник V" жаңы штамм "омикрондон" коргой турганы анык
Жаңылыктар түрмөгү
0