Радиостудия Sputnik Кыргызстан в Бишкеке - Sputnik Кыргызстан, 1920
Радио

Тукашова: эл каттоону жүргүзүү үчүн 28 миң каттоочу алынат

© Sputnik / Асель СыдыковаУлуттук статистика комитетинин калкты каттоо жана геомаалыматтык системалар бөлүмүнүн башкы адиси Айзада Тукашова
Улуттук статистика комитетинин калкты каттоо жана геомаалыматтык системалар бөлүмүнүн башкы адиси Айзада Тукашова  - Sputnik Кыргызстан, 1920, 28.12.2021
Жазылуу
Улуттук статистика комитетинин калкты каттоо жана геомаалыматтык системалар бөлүмүнүн башкы адиси Айзада Тукашова 2022-жылдын 25-мартынан 3-апрелине чейин эл жана турак жай фондун каттоо өтө турганын маалымдады.
Жазында өтө турган эл каттоодо мигранттар, майыптар жана элдин социалдык-экономикалык абалы тууралуу маалыматтар алынат. Бул тууралуу Айзада Тукашова Sputnik Кыргызстан радиосунда маек куруп жатып билдирди.
Тукашова: эл каттоону жүргүзүү үчүн 28 миң каттоочу алынат
Анын айтымында, бул жолку эл каттоо электрондук форматта жүргүзүлөт.
"Жазында өтө турган эл каттоодо жарандардын ден соолугу, социалдык-экономикалык абалы, үй-бүлөдөгү мигранттар тууралуу маалыматтар алынат. Мындан тышкары, жарандардын турак жайында ысык суу барбы, биогаз колдонушабы деген сыяктуу суроолор да берилет. Эл каттоону жүргүзүү үчүн 28 миң каттоочу алынып, анын 25 миңи ар бир үй-бүлөнү кыдырат. Андыктан 10 күн ичинде эл катоо жүргүзүлүп бүтөт деген ишеним бар. Ошондой эле бул жолку эл каттоо толугу менен электрондук форматта жүргүзүлөт. Ал үчүн программисттер тарабынан атайын мобилдик тиркеме даярдалган. Ал Токмокто жана Ысык-Көлдө тестирлөөдөн өттү. Бул ыкма эл каттоонун жыйынтыгын мурдагыдай бир жылдан кийин эмес, алты айда эле алууга мүмкүндүк берет. Кошумчалай кетчү жагдай, эл каттоо республика боюнча 25-марттан 3-апрелге чейин жүрсө, алыскы аймактарда 23-апрелден 2-майга чейин болот. Учурда 20дан ашык айыл алыскы аймак болуп саналууда. Ал жактарда жаз кеч келип, жол аркылуу байланышуу дагы татаалдыктарды туудурушу ыктымал. Ошондуктан бул аймактарда эл каттоо бир ай кеч жүргүзүлөт", — деди Тукашова.
Ошондой эле ал атайын тиркеме аркылуу каттоочунун иштеп же иштебегенин көзөмөл кылууга боло турганын кошумчалады.
Жаңылыктар түрмөгү
0