Алдын алуу иштеринин начардыгынан балдар зомбулукка көп кабылып жатканы айтылды

© Sputnik / Жоомарт УраимовӨспүрүм кыз. Архив
Өспүрүм кыз. Архив - Sputnik Кыргызстан, 1920, 27.12.2021
Жазылуу
Кыргызстанда балдарды өлтүрүп салуу, майып кылуу улам арбын кездешип жатканы белгиленди.
БИШКЕК, 27-дек. — Sputnik. Балдарга жасалган зордук-зомбулуктун арбышы анын себептерин жоюу боюнча алдын алуу иштеринин начар жүрүп жатканын көрсөтүүдө. Бул туурасында балдардын укугу боюнча ыйгарым укуктуу өкүл Жыпариса Рысбекова өткөргөн жыйында айтылган.
Президенттин маалымат кызматынын билдиргенине караганда, чогулушта балдарга карата зордук-зомбулуктун түрлөрүнүн өсүп жатканы, алардын сексуалдык ыдыкка учуроосу, өз жанын кыюусу, кордоого кабылуусу сыяктуу көңүл ооруткан көрүнүштөрдүн себептери, кесепети жана аларды жоюу жолдору талкууланган.
"Балдарга жасалган зордук-зомбулук фактыларынын көбөйүп жатканы зомбулуктун себептерин жоюу боюнча алдын алуу иштеринин начар жүрүп жатканын көрсөтүүдө. Мындай көрүнүштүн курмандыгы болгон бөбөктөрдүн жана үй-бүлө мүчөлөрүнүн турмуштук оор кырдаалда жашаганына карабастан тиешелүү кызматтар аларды өз учурунда аныктабай жана социалдык жактан колдоо иш-чараларын жүргүзгөн эмес", — деп айтылган жыйында.
Кыргызстанда балдарды өлтүрүп салуу, майып кылуу улам арбын кездешип жатканы белгиленген.
Маалыматта ар бир ведомстводогу аталган багытта иш алып барган адистер өздөрүнчө эмес, башка түзүмдөр менен да биргеликте өз ара иштешүү керектиги айтылган. Муну жергиликтүү деңгээлде күчөтүү зарылдыгы белгиленген.
Бүгүнкү күндө зордук-зомбулукту аныктоонун эң натыйжалуу ыкмаларын табуу, келечекте балдардын укугунун кичине да бузулуусуна жол бербөө үчүн республика боюнча адистерди даярдоо зарылдыгы турганы маалым болду. Мындан сырткары, кичинекейлерди коргоонун жекече программасын жана үй-бүлө менен жекече иштөө планын түзүү, ата-энесинин камкордугусуз калган ар бир баланы көзөмөлгө алуу, коргоо туурасында сөз болгон. Жер-жерлерде оор турмуштук кырдаалда турган бөбөктөргө, үй-бүлөлөргө социалдык жактан көмөктөшкөн көп функциялуу профилактикалык кызматтарды түзүү керектиги айтылган. Ал — жоопкерчиликтүү ата-энелер мектеби, социалдык жардам жана колдоо көрсөтүү, турмуштук оор кырдаалда турган балдар жана үй-бүлөлөр үчүн түзүлгөн күндүзгү борборлор дешти.
Жыйындын жыйынтыгында 2026-жылга чейин Кыргызстанды өнүктүрүүнүн улуттук программасын ишке ашыруунун алкагында министрлер кабинетинин 2022-2024-жылдарга үй-бүлөнү колдоо жана балдарды коргоо боюнча программасын ишке ашыруу үчүн Үй-бүлөнү колдоо жана балдарды коргоо планынын долбоорун (2-этабын) иштеп чыгуу боюнча сунуштар айтылган.
Кишенделген жаран. Архив - Sputnik Кыргызстан, 1920, 23.12.2021
Жер төлөдө кармаган. 9 жаштагы Сумаяны өлтүрдү деген киши кармалды
Жаңылыктар түрмөгү
0