Патентти калтыруу каралып жатабы? Салык кызматынын жообу

Патент. Архив - Sputnik Кыргызстан, 1920, 24.12.2021
Жазылуу
Салык кодексинин жаңы редакциясында өз каалоосу менен патент төлөө түшүнүгү калтырылган. Башкача айтканда, бул ишкердик жана жеке эмгек ишмердүүлүгүнө тиешелүү.
БИШКЕК, 24-дек. — Sputnik. Салык кызматынын төрагасынын орун басары Бекболот Алиев брифингде патентке байланыштуу кырдаал боюнча айтты.
Эске салсак, 22-декабрда Жогорку Кеңеш Кыргызстандын жаңы салык кодексин жактырган. Ага ылайык, жылына 8 миллион сомго чейин акча айланткан ишкерлер салыктын бардык түрүн төлөөдөн бошотулат. Ошол эле учурда аларга контролдук кассалык аппарат (ККМ) колдонуу шарты коюлган.
Журналисттер Алиевге патент боюнча эки ирет суроо узатып, "жеке эмгек ишмердүүлүк менен алектенгендерге патент системасы калтырылабы" деп сурашкан.
Төмөндө мамлекеттик салык кызматынын жетекчисинин орун басарынын патент боюнча айткан негизги тезистерин келтиребиз:
Милдеттүү түрдө патент төлөө жоюлду;
Салык кодексинин жаңы редакциясында өз каалоосу менен патент төлөө түшүнүгү калтырылган. Башкача айтканда, бул ишкердик жана жеке эмгек ишмердүүлүгүнө тиешелүү;
Салык кызматы өз каалоосу менен патент төлөөнү ишкердик ишмердүүлүгүнөн жоюп салуу боюнча документ даярдап жатат. Себеби 8 миллионго чейин акча айланткан ишкерлер салык төлөөдөн бошотулса, патенттин кереги жок болуп калат.
Алиев жеке эмгек ишмердүүлүгү төлөй турчу патент боюнча да ой калтырган.
"Азырынча буларга патентти калтыруу же кассалык аппараты жок эле иштөөгө уруксат берүү деген эки вариант каралып жатат", — деген ал.
Жаңы Салык кодекси боюнча "Дордой" сыяктуу ири жана кичи базарларда контролдук кассалык машина (ККМ) менен соода кылуу милдеттендирилет. Бирок буга базарда иштегендер макул болбой митингге чыгууда.
Супермаркеттин кассасы. Архив - Sputnik Кыргызстан, 1920, 23.12.2021
Аппарат бекер берилет. Соодагерлердин тынчын алган ККМ тууралуу 6 суроого жооп
Жаңылыктар түрмөгү
0