Россиядагы мигранттар канча айлык алат. Сурамжылоонун жыйынтыгы

Россия рубли. Архив - Sputnik Кыргызстан, 1920, 09.12.2021
Жазылуу
Федерация эң көп жана эң аз айлык алган мигранттар кайсы сферада иштей турганы боюнча маалымат берди.
БИШКЕК, 9-дек. — Sputnik. Россиянын аймагындагы мигранттар орто эсеп менен айына 47,1 миң рубль табышат. Бул тууралуу мигранттардын федерациясынын президенти Вадим Коженов билдирди.
Федерация Ломоносов атындагы МГУнун жардамы менен Россияда иштеген Кыргызстандын, Өзбекстандын жана Тажикстандын жарандарынын арасында сурамжылоо жүргүзгөн. Бир жыл ичинде беш миң адам суралган.
Москвадагы мигранттар. Архив - Sputnik Кыргызстан, 1920, 25.11.2021
Москвада мигранттардын санын дагы кыскартуу пландалып жатат
Коженовдун айтымында, маалымат Россиянын бардык аймактарында жашаган мигранттарды сурамжылоонун жыйынтыгында алынган. Ал ошондой эле мигранттар каалаган айлык 77,2 миң рубль экенин кошумчалаган.
Федерация жетекчиси орус тилин мыкты билген мигранттар тилди начар билгендерге караганда көбүрөөк акча табарын айтты. Тагыраагы, биринчилердики 49 миң болсо, экинчилердики 37 миң рубль.
Эң көп акча тапкан мигранттар курулуш жана ремонт иштери менен алектенишет. Алардын айлыгы 54 миң рубль. Транспорт, логистика жана кампа иштери менен алектенгендер 52 миң алышат. Эң төмөн айлык коммуналдык жана айыл чарба тармагында иштегендердики — 41 000 жана 36,8 миң рубль.
Жаңылыктар түрмөгү
0
Алгач жаңыларыАлгач эскилери
loader