Кышында организмге өзгөчө керек болгон 3 витамин аталды

© Sputnik / Екатерина Лызлова / Фотобанкка өтүүДүкөндө маскачан аял. Архив
Дүкөндө маскачан аял. Архив - Sputnik Кыргызстан, 1920, 08.12.2021
Жазылуу
Yandex newsTelegram
Суук мезгилде жашылча-жемиштин жетишсиздигинен улам адам бат чарчап, алсырайт. Адис кайсы кошулмалар организмге өзгөчө керек экенин айтып берди.
БИШКЕК, 8-дек. — Sputnik. Британиялык диетолог Холли Зокколан кыш мезгилинде организмге керектүү болгон витаминдер менен микроэлементтерди атады. Бул тууралуу "Доктор Питер" басылмасы жазды.
"Айрыкча, аба ырайы суук кезде витаминдер менен минералдар жөнүндө унутпаш керек. Себеби алар сырттагы температуранын өзгөрүшүн жеңил кабыл алууга жана ооруп калбоого жардам берет", — деди ал.
Эксперттин айтымында, кыш мезгилинде өзгөчө С, D витаминдери жана цинк абдан керек.

C витамини

Так ушул витамин иммунитеттин вирустарга каршы туруусуна көмөкчү. Бирок биздин клеткалар муну өз алдынча синтездей албайт. Ошондуктан аскорбинканын запасын дайыма толуктап турууга туура келет.
Эгер тиш жууп жаткан кезде бүйлө канап кетсе, С витамининин жетишсиздигинен кабар берет. Бирок тишти канатуучу башка учурларды дагы эске алуу керек (тиш бүйлөсүнүн оорусу, тиш щетканын туура эмес тандалышы). Эгер аталган витаминдин жетишсиздиги жогору болсо, анда чач, тиш түшүп, муундар ооруйт.
Төмөнкү азыктарда С витамини арбын:
  • ит мурун, таттуу калемпир;
  • карагат, чычырканак;
  • петрушка, укроп;
  • брюссель капустасы;
  • картошка, помидор, болгар калемпири;
  • алма, ананас, цитрус.

D витамини

Мунун дефицити жаралса адам бат чарчап, башы айланып, айрыкча түнкүсүн сөөктөрү, булчуңдары ооруйт. Кээ бир адамдарга дарыгерлер бул витаминди такай колдонууну сунуштайт.
Курамында D витамини бар азыктар:
  • майлуу балык;
  • жумуртканын сарысы;
  • жууган май;
  • каймак;
  • креветка;
  • сыр;
  • тресканын боорунда.
Капсулы Омега-3 - Sputnik Кыргызстан, 1920, 03.12.2021
Омега-3 иммунитетти көтөрө албай турганы айтылды
Цинк
Цинк организмдин бардык ткандарында бар. Ал клеткалардын бөлүнүшү үчүн маанилүү. Бул микроэлемент антиоксидант катары иштеп, эркин радикалдар менен күрөшүп, картаюу процессин жайлатат. Ошондой эле иммунитетти бекемдеп, вирустар менен күрөшүүгө жардам берет.
Эгер организмде цинк жетишсиз болсо, туздуу тамактарга тартып, чач түшүп, салмак өйдө-төмөн боло баштайт. Гормоналдык жана когнитивдик көйгөйлөр башталат. Ошондой эле жаракат алган жер кеч бүтүп, тери кычыша баштайт.
Цинкке бай азыктар:
  • пияз;
  • моллюскалар;
  • азык ачыткысы;
  • музоо эти;
  • ашкабактын данеги;
  • уй эти;
  • миндаль;
  • кара шоколад.
Жаңылыктар түрмөгү
0