БШК төрайымы Шайлдабекованын маалымат жыйыны жылдырылды

© Фото / пресс-служба ЦИК КРБорбордук шайлоо комиссиясынын төрайымы Нуржан Шайлдабекова
Борбордук шайлоо комиссиясынын төрайымы Нуржан Шайлдабекова - Sputnik Кыргызстан, 1920, 29.11.2021
Жазылуу
НовостиTelegram
Алдын ала жарыяланган программа боюнча, саат 12:00дө шайлоонун жыйынтыгы тууралуу маалымат жыйын өтмөк.
БИШКЕК, 29-ноя. — Sputnik. Борбордук шайлоо комиссиясынын төрайымы Нуржан Шайлдабекованын маалымат жыйыны жылдырылды.
БШКнын өкүлү Авланбек Жумабеков жыйын түштөн кийинки убакытка жылдырылганын айтып, ал боюнча дагы кошумча маалымат берилерин белгиледи.
Алдын ала жарыяланган программа боюнча, Шайлдабекова бүгүн саат 12:00дө шайлоонун жыйынтыгы тууралуу маалымат жыйын өткөрмөк.
Ал эми министрлер кабинетинин төрагасынын орун басары Эдил Байсалов Twitter баракчасына добуш берүү бүткөндөн кийин БШК сайтынын иштебей калышы боюнча саат 11:00дө маалымат жыйын өтөрүн жазган. Жаралган жагдай тууралуу Шайлдабекова түшүндүрмө бермек.
Министрлер кабинетинин төрагасынын орун басары Эдил Байсалов - Sputnik Кыргызстан, 1920, 29.11.2021
Байсалов: "Шайлоо" системасы үзгүлтүккө учураган эмес, таблицадан ката кеткен
Белгилей кетсек, кечээ шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган. Өз кезегинде БШК төрайымы бул боюнча жооп берген.
Баса, ким депутат болуп келгенин билдиңизби? Бардык маалымат Sputnik агенттигинин инфографикасында.
Жаңылыктар түрмөгү
0