Кырсыктан оолак болосуз! Кышында автоунааны туура айдоо боюнча кеңештер

© Sputnik / Александр КряжевАвтоунаадагы киши. Архив
Автоунаадагы киши. Архив - Sputnik Кыргызстан, 1920, 20.11.2021
Жазылуу
Адистер жол тайгакта улам бир тилкеге өтүп, аны алмаштыра бербөөнү сунушташкан. Анткени бул дагы кырсыкка алып келиши ыктымал.
БИШКЕК, 20-ноя. — Sputnik. "СберАвто" сервисинин эксперттери РИА Новостиге кышында жол тайгакта кырсыкка кабылбай, автоунааны этият айдоонун жолдорун айтып беришти.
Адистер белгилегендей, эң башкысы айдоочу тормозду эртерээк басып, абайлап айдап, автоунаа башкарып баратканда коркпой, өзүнө ишенимдүү болушу шарт.
"Кышында асфальт тоңот. Жыйынтыгында автоунаанын жүрүшү да кыйындап, тормоз дароо кармабай калат. Ошол себептен айдоочу сак болуп, автоунааны убагында токтотууга даяр болушу зарыл", — деген эксперттер.
Адистер кышында кандай маневр болбосун аны дароо эмес, акырындык менен жасоону сунушташат. Автоунааны чукул буруп жиберүү же газдын педалын басуу кооптуу.
Кар басып калган автоунаа. Архив - Sputnik Кыргызстан, 1920, 09.10.2021
Автоунааны кышка даярдоодо биринчи эмнелер маанилүү. Эксперттин кеңеши
"Рулду акырын жана этияттык менен буруш керек. Ошол эле учурда чоң буруп албаганга аракет кылгыла", — деген алар.
Кышында асфальт, жол чийини, автобус, коомдук транспорттун жолу да кооптуулук жарата турганы айтылып, тилкелерди бат-баттан алмаштырбоо сунушталган. Башкача айтканда, адистер жол тайгакта бир тилкеде жүрүү керектигин белгилешкен.
"Тайгак жолдо айдоочу автоунааны ишенимдүү башкарышы керек. Ылдамдыкты азайтып, рулду чукул буруп же педалды дароо баспаганы оң. Башкаруу жоголуп баратса, газдын педалынан бутту алып, тормозду акырындык менен басканы жакшы", — деген эксперттер.
Буга чейин адистер кышкысын автоунааны кантип бат жылытуу керектигин түшүндүрүп беришкен.
Жаңылыктар түрмөгү
0