Автоунааны кышка даярдоодо биринчи эмнелер маанилүү. Эксперттин кеңеши

© Sputnik / Александр Кряжев / Фотобанкка өтүүКар басып калган автоунаа. Архив
Кар басып калган автоунаа. Архив - Sputnik Кыргызстан, 1920, 09.10.2021
Жазылуу
Yandex newsTelegram
Автоунаа боюнча адистер биринчи иретте майын алмаштырып жана суук түшөр алдында темир тулпарды диагностикадан өткөрүү керектигин айтышты.
БИШКЕК, 9-окт. — Sputnik. Автоунааны кышка даярдоодо биринчиден диагностикадан өткөрүп жана салон чыпкалагычын алмаштыруу керек. Бул туурасында Ura.ru басмылмасына эксперттер айтып бергендигин РИА Новости жазды.
"Синие ведерки" коомчулугунун координатору Петр Шкуматов мөөнөтү жете элек болсо да чыпка майын алмаштырып коюу керектигин эскерткен. Адистин айтымында, бул транспорт жүз миң чакырым жүргөндөн кийин баары бир жасап койчу профилактикалык иштердин бири.
Ал дизель майы менен жүргөн темир тулпарлардын ээсине өзүнчө кеңеш берген.
"Эгерде дизель көп кетпесе, азыраак эле айдасаңыз, бакта жайкы май калып калышы мүмкүн. Мындай болгондо ал коюуланып кетет", — деп түшүндүргөн адис.
Дагы бир эксперт Вячеслав Субботин кышкы жолго чыгар алдында аз болсо да машыгып алуу ашыктык кылбастыгын айткан.
Автоунаага газ куюу. Архив - Sputnik Кыргызстан, 1920, 09.08.2021
Бензинди кантип үнөмдөсө болот. Адистин кеңеши
"Финляндиялыктардай кылса болот. Алар картка отурат да, эки-үч сессия жүрүп келишет. Болду, чукул кырдаалдагы айдоочулук ыкчамдык, тажрыйбалар эске түшүп, калыбына келип калат", — деген Субботин.
Тажрыбайлуу адамдар, мындан сырткары, автоунааны диагностикадан бир өткөрүп коюуну сунуштайт. Дисктердин, тормоздук колодканын, системанын абалын, суюктуктарды, жылыткычтын иштешин жана термостатты текшерип коюу зарыл дейт.
Буга чейин "За рулём" журналынын башкы редактору Максим Кадаков кышка даярдык учурунда көңүл бура турган нерсе — аккумуляторду карап чыгуу зарыл экендигин айтып берген эле.
Жаңылыктар түрмөгү
0