Казакстан окумуштуулары жатын моюнчасынын рагын аныктаган аралашма ойлоп тапты

© AFP 2023 / ARIS MESSINISОкумуштуу микроскоп менен колдонуу учурунда. Архив
Окумуштуу микроскоп менен колдонуу учурунда. Архив - Sputnik Кыргызстан, 1920, 08.11.2021
Жазылуу
Эритме биологиялык материалдарды диагностика үчүн сактоого жана ташууга жардам берет. Буга чейин аралашмалар Казакстанга чет мамлекеттен алып келинчү.
БИШКЕК, 8-ноя. — Sputnik. Чыгыш-Казакстан мамлекеттик университети жатын моюнчасынын рагын комплекстүү түрдө аныктоо үчүн аралашма ойлоп табышты. Бул тууралуу өлкөнүн Билим берүү жана илим министрлиги билдиргенин Sputnik Казакстан жазды.
Окумуштуулар суюктуктун курамын ден соолукту чыңдоо борборунун кызматкерлери менен эки жылда иштеп чыгышкан.
"Бул ойлоп табуу биринчи кезекте импорт маселесин чечет. Адистер буга чейин чет өлкөдөн алып келинген затты өзүбүздө жасай алышты. Эми мындай медициналык кызматтар элге жеткиликтүү болуп, баасы да арзандамакчы", — деп билдирген министрлик.
Медициналык текшерүү учурунда адам. Архив - Sputnik Кыргызстан, 1920, 04.07.2021
Адамдын тили рак болгондо кездешчү белгилер айтылды
Мекеме эритменин сапаты чет мамлекеттикинен кем калышпай турганын белгиледи. Аманжолов атындагы Чыгыш-Казакстан университетинин кенже илимий кызматкери Айдана Имашева аралашма биоматериалдарды, тагыраагы, жатын моюнчасынын мазокторун сактоого жана ташууга жардам берет. Бул жатындын шишик оорусун эртерээк аныктоого шарт түзөт.
Казакстандын окумуштуулары аралашмага патент алып, ал Казакстандын дары-дармек жана медициналык буюмдарынын реестрине киргизилген.
Азыр эритмени сатыкка чыгаруу каралууда, ошол эле маалда адистер анын курамын жакшыртуу боюнча иштеп жатышканы белгиленди.
Жаңылыктар түрмөгү
0