Мирзиёев Өзбек-Кыргыз өнүктүрүү фондун түзүү боюнча жарлыкка кол койду

© Фото / пресс-служба президента УзбекистанаӨзбекстандын президенти Шавкат Мирзиёев
Өзбекстандын президенти Шавкат Мирзиёев  - Sputnik Кыргызстан, 1920, 04.11.2021
Жазылуу
Өнүктүрүү фондунун уставдык капиталы 50 миллион долларды түзмөкчү. Фонддун башкы кеңсеси Бишкекте жайгашат.
БИШКЕК, 4-ноя. — Sputnik. Өзбекстандын президенти Шавкат Мирзиёев Өзбек-Кыргыз өнүктүрүү фондун түзүү боюнча жарлыкка кол койду. Бул тууралуу Sputnik Өзбекстан жазды.
Уставдык капиталы 50 миллион долларлык (кийин 200 миллионго жеткирүү планы менен) өнүктүрүү фондун түзүү боюнча өкмөттөр аралык келишимге Садыр Жапаровдун март айында Өзбекстанга жасаган сапарында кол коюлган.
"Өзбекстан менен Кыргызстан өкмөтүнүн Өзбек-Кыргыз өнүктүрүү фондун түзүү жөнүндөгү келишими бекитилсин", — деп айтылат документте.
Кыргызстандын жана Россиянын мамлекеттик желектери. Архив - Sputnik Кыргызстан, 1920, 27.10.2021
Кыргызстанга россиялык компаниялардын бизнес-миссиясы келет
Фонд экономиканы модернизациялоо жана өнүктүрүү максатында негизделди. Анын милдеттери менен функциялары атайын устав менен бекитилет. Фонддун башкы кеңсеси Бишкекте жайгашат.
Өзбекстан тараптан келишимди ишке ашырууга Инвестиция жана тышкы соода министрлиги милдеттүү болду.
Жаңылыктар түрмөгү
0