Кыргызстанда банктык карталардын саны өстү. Көп колдонгон аймак

© Sputnik / Табылды КадырбековСом купюралары жана банктык карталар. Иллюстративдик сүрөт
Сом купюралары жана банктык карталар. Иллюстративдик сүрөт - Sputnik Кыргызстан, 1920, 03.11.2021
Жазылуу
Yandex newsTelegram
Былтыркы жылдын соңунда кыргызстандыктардын колундагы төлөм карталарынын саны 3,3 миллионго жеткен. 2016-жылы бул көрсөткүч 2 эсе төмөн болчу.
БИШКЕК, 3-ноя. — Sputnik. Кыргызстанда акыркы беш жыл ичинде банктык төлөм карталары 2 эсеге өсүп, 2020-жылдын аягында элдин колундагы картанын саны 3,3 миллионго жетти. Бул тууралуу Улуттук статистика комитети кабарлады.
"Аны менен катар банкоматтар менен терминалдардын саны дагы көбөйдү. Учурда өлкөдө 1,8 миң банкомат, 12 миң төлөм терминалы бар", — деп айтылат билдирүүдө.
Ошондой эле банктык картаны кайсы аймактардын тургундары көбүрөөк колдонору тууралуу маалымат берилген:
  • Бишкек шаары — 1,2 миллион карта;
  • Ош облусу — 556 миң;
  • Жалал-Абад облусу — 487 миң;
  • Чүй облусу — 309 миң;
  • Ысык-Көл облусу — 254 миң;
  • Баткен облусу — 206 миң;
  • Нарын облусу — 161 миң;
  • Талас облусу — 116 миң.
Эске салсак, акыркы жылдары Кыргызстанда ар тармакта санариптешүү процесси жүрүп, айлык, пенсиялар банктык карта аркылуу берилип келет.
Жаңылыктар түрмөгү
0