Министрлик: "Бишкек жарык" ишканасы от казандарды мыйзамсыз колдонуп жүргөн

© пресс-служба мэрии города Бишкек"Бишкек жарык" ишканасынын кызматкери. Архив
Бишкек жарык ишканасынын кызматкери. Архив - Sputnik Кыргызстан, 1920, 03.11.2021
Жазылуу
Министрликтин тапшырмасы боюнча жумушчу топ электр энергиянын уруксат берилген көлөмү менен иш жүзүндө колдонулган кубаттуулугун текшерүүдө.
БИШКЕК, 3-ноя. — Sputnik. Бишкек мэриясына караштуу "Бишкек жарык" муниципалдык ишканасы жылуулук үчүн от казандарды уруксат кагаздары жок орнотуп, пайдаланган. Бул тууралуу Энергетика жана өнөр жай министрлигинин маалымат кызматы билдирди.
Электр энергиясын текшерген жумушчу топтун мүчөлөрү техникалык шарт боюнча колдонууга 20 киловатт эле уруксат берилгенин, бирок иш жүзүндө 100 киловатт электр энергиясы уруксатсыз колдонулганын белгилеген.
Энергетика министрлиги "Бишкек жарык" башкы кеңсесин электр энергиясы менен жылытууга уруксат кагаздарын албаганын билдирди.
"Муниципалдык ишкана борбордук жылытуу системасына кошулган эмес, тагыраагы, электр энергиясын мыйзамсыз колдонгон. Бул факт боюнча акт түзүлдү. От казандары өчүрүлүп, мөөр басылды", — деп жазылган министрликтин билдирүүсүндө.
Эми жумушчу топ министрликтин тапшырмасы боюнча электр энергиянын уруксат берилген көлөмү менен иш жүзүндө колдонулган кубаттуулугун текшерүүдө. Азыр айрым компаниялар ашыкча пайдаланып жатканы белгилүү болгон.
Жаңылыктар түрмөгү
0