Депутаттардын шайлоо маалында тарап кетиши кызыл чеке талаш жаратты

Депутат. Архив - Sputnik Кыргызстан, 1920, 20.10.2021
Жазылуу
Дастан Жумабеков бул жерде шайлоочулар менен жолугушуу болорун, мурда дагы ушундай практика колдонулуп келгенин эске салды.
БИШКЕК, 20-окт. — Sputnik. Жогорку Кеңештин депутаттары кызыл чеке талашка түшүп жатып, натыйжада үгүт иштери жүрүп жаткан маалда ишин токтотпой турган болду.
Алгач 28-октябрдан тарта жыйындарды бир айга токтотуп, шайлоочулар менен иштешүү үчүн тарап кетүү токтом долбоору добушка коюлган. Ага 60 депутат макул болуп, сунуш өтпөй калды.
Андан соң депутаттар: Мирлан Жээнчороев, Айбек Осмонов, Айсулуу Мамашова, Шайлообек Атазов бир айга тарап кетүүнүн кереги жоктугун, ишти үзгүлтүккө учуратпоо зарылчылыгын айтышты.
Төрага Талант Мамытов шайлоого катышып жаткан депутаттар үгүт кампаниясы менен кетип калса кворум чогулбай каларын белгиледи.
Ал эми Рыскелди Момбеков менен Дастан Бекешев ал убакта айтылган ар бир сөз үгүт катары кабылданып, административдик ресурс деп сыпатталарын айтышты. Алар үгүт маалында парламенттин трибунасын пайдалануу туура эмес экенин билдирип, бардык талапкерге бирдей шарт түзүү үчүн тарап кетүүнү сунуштады.
Аткаминер. Архив - Sputnik Кыргызстан, 1920, 18.10.2021
Акыйкатчы, шаардык кеңештин төрагасы. Шайлоого катышам деп иштен кеткендер
Эл өкүлү Дастан Жумабеков бул жерде шайлоочулар менен жолугушуу болорун, мурда дагы ушундай практика колдонулуп келгенин эске салды.
Бүгүн эле кызматка киришкен депутат Алайбек Алимбаев "эгер тең укуктуулукту камсыздоого кызыкдар болуп жатсаңар, мандатыңарды бир жолу тапшырып кеткиле. Артыңарда турган башка кыз-келин, жигиттер келип бир ай болсо да иштесин" деди.
Натыйжада добушка коюлуп бир айга тарап кетүүгө 34 депутат макул, 49у каршы чыгып, токтом долбоору өткөн жок. Башкача айтканда, депутаттар үгүт маалында дагы иштей турган болушту.
Белгилей кетсек, 28-ноябрда Кыргызстанда парламенттик шайлоо өтөт. Үгүт иштери 29-октябрда башталат.
Жаңылыктар түрмөгү
0
Алгач жаңыларыАлгач эскилери
loader