Радиостудия Sputnik Кыргызстан в Бишкеке - Sputnik Кыргызстан, 1920
Радио

Суранбаев: таза суу жетпегендиктен 865 187 адам арыктагы сууну колдонот

© Sputnik / Табылды КадырбековСанитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев  - Sputnik Кыргызстан, 1920, 15.10.2021
Жазылуу
НовостиTelegram
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев колун жуубагандан улам көбүнчө кичинекей балдар ооруп каларын айтты.
Кир кол аркылуу жугуучу илдеттерге мите оорулары, өткүр ичеги-карын илдеттери жана гепатиттин энтералдык А түрү кирет. Бул тууралуу Султан Суранбаев Sputnik Кыргызстан радиосунун эфиринде маек куруп жатып билдирди.
Суранбаев: таза суу жетпегендиктен 865 187 адам арыктагы сууну колдонот
Анын айтымында, таза суунун жетишсиздигинен улам 865 187 киши арыктагы сууну колдонот.
"Сарык оорусунун А түрү менен жыл сайын өлкөдө 10 миңге жакын бейтап катталса, анын 95 пайызын балдар түзөт. Мите оорулары менен 25 миң, ал эми өткүр ичеги-карын дарты менен 16-18 миңдей адам кайрылат. Бул илдетке кабылгандардын 80-90 пайызы жаш балдар. Себеби балдар колду таза алып жүрүү эрежелерин туура аткарышпайт. Ошондой эле учурда Кыргызстанда калк жашай турган 480 аймактагы 865 187 киши таза суунун жетишсиздигинен улам арыктагы сууну колдонот. Кир суу да жогорудагы ооруларды пайда кылат. Андан тышкары, бизде колдонулган сууну бир жерге чогултуп залалсыздандыруу зарылчыгы бар. Себеби аны көрүнгөн жерге төгүп андагы ар кандай микроорганизм, бактериялар, башкача айтканда, оору козгогучтар жер үстүндө калат. Жер иштетип жашылчаларды өстүргөндөн кийин кайра эле тамак-аш аркылуу бактерияларды жеп алабыз", — деди Суранбаев.
Эпидемиолог колду ашыкча самындап жууган дагы кератоз оорусун алып келерин эскертти.
Жаңылыктар түрмөгү
0