Кыргызстанда алгачкы жолу семетейчилердин республикалык сынагы өтөт

© Фото / пресс-служба НАН КР "Манас", "Семетей", "Сейтек" китептери. Архив
Манас, Семетей, Сейтек китептери. Архив - Sputnik Кыргызстан, 1920, 16.09.2021
Жазылуу
Катышуучулардын жаш курагына чектөө коюлбайт. Алар билдирмени 22-сентябрга чейин Маданият министрлигинин имаратына барып тапшырышы керек.

БИШКЕК, 16-сен. — Sputnik. Кыргызстанда алгачкы жолу семетейчилердин республикалык сынагы өтөт. Бул тууралуу Маданият, маалымат, спорт жана жаштар саясаты министрлиги кабарлады.

Иш-чара 22-25-сентябрь күндөрү Дүйнө элдеринин эпосторунун эл аралык VI фестивалынын алкагында болмокчу.

"Сынактын максаты чыгармачылыктын кайталангыс жана өтө сейрек кездешүүчү түрүн сактоо жана өнүктүрүү, ошондой эле семетейчиликти аркалаган өнөр ээлерин коомчулукка таанытуу болуп эсептелет", — деп айтылат маалыматта.

Катышуучулардын жаш курагына чектөө коюлбайт. Алар билдирмени 22-сентябрга чейин Бишкек шаарындагы Пушкин көчөсү, 78 дарегиндеги министрликтин имаратындагы 3-кабинетке барып тапшырышы керек.

Сынактын шарт-талабы тууралуу кененирээк министрлик тараткан маалыматтан окуңуз.

Жаңылыктар түрмөгү
0