БИШКЕК, 13-сен. — Sputnik. Баткендин Лейлек районундагы жол кырсыгынан эки киши көз жумуп, дагы жети адам жабыркаганын ӨКМдин маалымат кызматы кабарлады.
Окуя Исфана — Кайрагач унаа жолунун 13-чакырымында катталып, Honda Stepwgn менен Honda Fit үлгүсүндөгү унаалар кагылышкан.
Каргашадан көз жумгандар 43 жана 30 жаштагы эркек кишилер экени айтылды. Мындан сырткары, 61, 56, 37, 26 жаштагы аялдар менен 6 жашар кыз, ошондой эле 30 жана 9 жаштагы эки эркек жабыркаган. Алар Тез жардам кызматы аркылуу Сүлүктү шаардык ооруканасына жеткирилген.
Жерине тартылган үч куткаруучу каза тапкандардын сөөгүн ИИМ кызматкерлерине өткөрүп беришкен.
