Башкы каарманга баңгизат сатуу менен алектенген жаран милициядан качып келе жатып күрмөсүн кармата коюп из жашырат. Мындан улам милиция аны кармап кетип, тергөөчү күчкө салып күнөөнү мойнуна алдырууга аракет кылат.
Айласы кеткен каарман мыйзамдан башка эч нерсеге ишенбей отуруп калган. Иш сотто каралып жатканда прокурор далилдердин жетишсиздигинен улам мамлекеттик айыптоону колдоодон баш тартат. Мунун негизинде сот аны күнөөсүз деп табат.
Башкы прокуратура адам укуктарын коргоого бек турарын белгилейт. Эгер укук бузуулар катталса prokuror.kg сайтына кирип, онлайн кабылдама аркылуу кайрылуу сунушталат.
"Адам укуктары жана эркиндиктери Кыргыз Республикасынын жогорку баалуулуктарына кирет. Алар түздөн-түз колдонулат, бардык мамлекеттик органдардын, жергиликтүү өз алдынча башкаруу органдарынын жана алардын кызмат адамдарынын ишинин мааниси менен мазмунун аныктайт", — деп жазылган видеонун астына.
Ролик Башкы прокуратуранын Facebook баракчасына жүктөлдү.
