БИШКЕК, 30-авг. — Sputnik. Бишкекке Жамааттык коопсуздук келишими уюмунун башкы катчысы Станислав Зась келет. Бул тууралуу Кыргызстандын Тышкы иштер министрлигинин маалымат кызматы билдирди.
30 Баш оона 2021, 22:31
Жумушчу сапар 31-августтан 2-сентябрга чейин уланат. Зась өлкөнүн жогорку саясий жана аскер жетекчилиги менен жолугушууларды өткөрүүгө ниеттенүүдө.
ЖККУнун башкы катчысы 15-16-сентябрда Душанбе шаарында боло турган уюмдун Жамааттык коопсуздук кеңешинин сессиясына жана тышкы иштер министрлеринин, Коргоо министрликтеринин жана Коопсуздук кеңешинин катчыларынын биргелешкен жыйынына даярдыктарды талкуулайт. Ал ошондой эле аталган уюмдун жоопкерчиликтүү аймагындагы өлкөлөрдөгү кырдаал тууралуу маалымат берет.
