БИШКЕК, 30-авг. — Sputnik. Борбордук "Ала-Тоо" аянты жана эски аянт майрамдык иш-чараларга байланыштуу толук жабылат. Бул тууралуу мэриянын маалымат кызматынан кабарлашты.
30 Баш оона 2021, 16:54
Билдирүүгө ылайык, 31-августта түнкү саат экиден баштап Чүй проспектинин Эркиндик проспектинен Орозбековго чейинки бөлүгү жана Абдымомунов көчөсүнүн Орозбековдон Эркиндикке чейинки бөлүгү жабык болот.
Ошондой эле аскердик техникалардын жүрүшүнө байланыштуу Чүй проспектинен, Чокон Валиханов, Тыныстанов, Гоголь, Профсоюзный көчөсүнөн, "Ала-Тоо" аянтынан жана Чүй менен Фучиктин кесилишинен автоунааларды өткөрүүдө чектөөлөр киргизилет.
Калаа бийлиги жаралган ыңгайсыздыктарга байланыштуу алдын ала кечирим сурап, жол жүрүүдө аталган тизмени эске алунуу сунуштайт.
