БИШКЕК, 27-авг. — Sputnik. Португалиялык футболчу Криштиану Роналду "Манчестер Юнайтед" клубуна өттү. Трансфер тууралуу англиялык клуб өзүнүн сайтында кабарлады.
Welcome 𝗵𝗼𝗺𝗲, @Cristiano 🔴#MUFC | #Ronaldo
— Manchester United (@ManUtd) August 27, 2021
"Манчестер Юнайтед" клубу Криштиану Роналдунун трансфери тууралуу "Ювентус" менен макулдашканын кубануу менен тастыктайт", — деп жазылат маалыматта.
Буга чейин Роналду "Ювентустан" кетүүнү чечкени тууралуу айтылган. Бул клубга футболчу мадриддик "Реалдан" келген эле. Спортчу "Манчестер Юнайтед" менен сүйлөшүү жүргүзүп келген, бирок аягына чыккан эмес.
Клуб Роналдуну "үйгө кош келдиң" деп тосуп алган. Португалиялык футболчу аталган командада 2003-жылдан 2009-жылга чейин ойногон.
Криштиану Роналду тарыхтагы мыкты футболчулардын бири.
