БИШКЕК, 20-авг. — Sputnik. Крымдагы Коктебель артисттердин айылында Koktebel Jazz Party эл аралык фестивалы башталды. Бул тууралуу РИА Новости билдирди.
Жаз-фестиваль 22-августка чейин уланат. Жергиликтүү тургундарга жана иш-чаранын конокторуна россиялык жана чет өлкөлүк ырчылар концерт тартуулайт. Ошол эле учурда уюштуруучулар эпидемиологиялык талаптарды дыкат сактап жатат.
"Koktebel Jazz Party — адамдарга жагымдуу маанай, жүзүнө жылмаюу, деңиз абасын тартуулайт. Бул деңиз жээгиндеги сахнада тандалган жылдыздар жана жаштардан турган топ чыгып эстен кеткис концерт өткөрөт", — деп маалымдады уюштуруучулар.
Koktebel Jazz Party 2003-жылы журналист Дмитрий Кисилёвдун жеке демилгеси менен негизделген. Анын айтымында, ушул кезге чейин дүйнөнүн ар кайсы жагынан келген 200дөн ашуун чыгармачыл топ катышкан.
2017-жылы Koktebel Jazz Party фестивалына Россиянын президенти Владимир Путин конок катары келип кеткен. Бул иш-чараны уюштуруу иштери менен "Красный квадрат" медиагруппасы алектенет.
