БИШКЕК, 14-авг. – Sputnik. Россиянын Коргонуу министрлигинин Бе-200 үлгүсүндөгү өрт өчүрүүчү учагы Түркиянын тоолорунда кыйрады. Бортто россиялык беш аскер кызматкери жана Түркиянын үч өкүлү болгон. Бул тууралуу РИА Новости жазды.
Маалыматка караганда, учак калк жашаган Адана пунктундагы өрттү өчүрүүгө катышып келе жатканда кыйраган. Окуя бүгүн саат 15:00дөр (Москва убактысы боюнча) чамасында болгон.
Кырсыктын себебин атайын комиссия иликтемей болду. Россиянын президенти Владимир Путин коргонуу министри Сергей Шойгуга набыт болгон аскерлерге сыйлык тапшырууну буйруду.
"Президент россиялык аскерлер менен түркиялык жарандардын туугандарына көңүл айтты", — деп айтылат маалыматта.
Sputnik Түркиянын жазганына караганда, кыйраган учак Кахраманмараша районундагы өрттү өчүрүүгө катышкан. Провинциянын губернатору Омер Фарук Джошкун өрттүн чыгышына токойго түшкөн чагылган себеп болгонун айткан. Жерден жана абадан көрүлгөн аракеттердин арты менен өрттү өчүрүүгө мүмкүн болгон.
Түркиянын ТИМ жетекчиси Мевлют Чавушоглу өзүнүн Twitter баракчасы аркылуу орус тилинде көңүл айтты.
С глубоким прискорбием узнал о гибели турецкого и российского экипажа в трагической авиакатастрофе, произошедшей во время тушения пожара в Кахраманмараше. Выражаем наши соболезнования турецкому и российскому народу. Их героические жертвы не будут забыты!
— Mevlüt Çavuşoğlu (@MevlutCavusoglu) August 14, 2021
