Чабуулчу машыгуу базасына келип оюнчулар менен учурашып, андан соң машыга баштады.
Ошондой эле ал бул клубга келген дагы бир жаңы футболчу Серхио Рамос менен да жолукту. Алар кучакташып учурашып, бир саамга сүйлөшүп турушту. Белгилей кетсек, Рамос 16 жыл бою "Барселонанын" негизги атаандашы "Реал Мадридде" ойногон. Эки оюнчу футбол талаасында жаңжалдаша кеткен жайы да бар.
Андан соң машыгуу оюн талаасында улантылды.
Лионель Месси "Барселонанын" курамында 2004-жылы ойноп баштаган. Каталониялык команда менен бирге аргентиналык футболчу тогуз ирет Испания чемпионатын, жети жолу Испания кубогу мелдешин уткан. Төрт жолу УЕФАнын Чемпиондор лигасы мелдешинин жеңүүчүсү болгон. Месси "Барселонанын" сабында расмий оюндарда көп ойногон (778 беттеш) жана көп гол (672 гол) киргизген футболчу болуп саналат.
