БИШКЕК, 8-авг.— Sputnik. Индонезияда кыз мурдагы сүйүктүүсүнүн үлпөт тоюна чакыруусу жок эле барып, экинчи аялы болду. Өзгөчө окуя Asia One басылмасына жарыяланды.
Басылманын маалыматына караганда, Корику Акбар менен Юанита Рури 2016-жылдан бери кыз-жигит болуп сүйлөшүп келишкен. 2021-жылдын башында экөө ара жолго түшүп, кийин Акбар 20 жаштагы Нур Хуснул Котимеге баш кошууну чечкен.
"Рури мурдагы жигитинин үйлөнө турганын социалдык тармак аркылуу кокустан эле угуп калган. Аны достору Котименин ордуна адашып куттуктап алышкан. Үлпөт той тууралуу кабардар болгон Рури тойго келип, 20 жаштагы мурдагы жигитинен ага да үйлөнүүсүн суранган", — деп айтылат маалыматта.
Акбар таң калганы менен туугандары менен бул маселени талкуулап, жигит экөөнө тең үйлөнүүнү чечкен. Ал учурда жумушсуз экенин айтып, мындай чечимди кабыл алуу оңой болбогонун белгилеген.
