БИШКЕК, 5-авг. — Sputnik. Июль айында кыргызстандыктар 971 миллион 206 миң киловатт-саат электр энергиясын пайдаланды. Бул тууралуу "Кыргызстандын улуттук электр тармактары" ишканасынан билдиришти.
"Бул июнь айына салыштырмалуу көп. Өткөн айда жарандар 934 миллион 673 миң киловатт-саат электр кубатын сарпташкан", — деп айтылат билдирүүдө.
Ал эми өткөн жылдын июль айында өлкөдө 860 миллион 577 миң киловатт-саат электр энергиясы колдонулган эле.
Эске салсак, жаз айларында "Кыргызстандын улуттук электр тармактары" кургакчылыктан улам күз, кыш мезгилинде тартыштык жараларын айтып, жарандарды электр жарыгын үнөмдүү пайдаланууга чакырган.
