Жоламан жана Айпери Токиодо алгач казак балбандары менен беттешет. Чоо-жайы

© Фото / Facebook / United World Wrestling / Kadir CaliskanБорец греко-римского стиля Жоламан Шаршенбеков
Борец греко-римского стиля Жоламан Шаршенбеков - Sputnik Кыргызстан, 1920, 31.07.2021
Жазылуу
Кыргыз балбандары алгачкы күчүн коңшу Казакстандан барган спортчулар менен сынай турган болду. Айперинин каршылашы 2016-жылкы Олимпиададан коло медаль уткан.

БИШКЕК, 31-июл. — Sputnik. Олимпиада оюндарында күрөш боюнча эртең килемге чыга турган кыргыз балбандарынын алгачкы атаандаштары аныкталды. Бул тууралуу Жаштар иши, дене тарбия жана спорт агенттиги билдирди.

Бүгүн балбандар чүчү кулак кармашкан. Алар эртең, 1-августта, саат 08:00дө килемге чыгат.

Грек-рим күрөшүнөн 60 килограмм салмак категориясы боюнча катышып жаткан Жоламан Шаршенбеков казакстандык Мейрамбек Айнагулов менен кармашат.

Штангист. Архив - Sputnik Кыргызстан, 1920, 31.07.2021
Бүгүн темир билек балбан Бекдөөлөт Расулбеков Олимпиадада таймашка чыгат
Айнагулов 27 жашта, Олимпиадага алгачкы ирет катышууда. Буга чейин дүйнө чемпионаттарында күмүш (2017) жана коло (2019) медаль тагынган. Азия чемпионаттарынан дагы экинчи, үчүнчү орундарга жетишкен.

Жоламан Шаршенбеков 22 жашта, апрель айында Алматыда (Казакстан) өткөн лицензиялык Азия мелдешинде чемпион болуп, Олимпиадага жолдомо уткан. Дүйнө кубогунун алтын медалынын ээси. Жаштар жана чоңдор арасындагы дүйнө чемпионатынан күмүш медалын уткан.

76 килограмм салмак категориясы боюнча Айпери Медет кызы да Казакстандан барган Элмира Сыздыкова менен күрөшөт. Анын атаандашы 29 жашта, 2016-жылы Рио-де Жанейро Олимпиадасынан коло медаль уткан. Азия чемпионатында башкы орунду камсыздаган.  

Айпери Медет кызы 22 жашта, Жаштар арасындагы дүйнө чемпиону жана эки коло байгенин ээси. 2020-жылы Азия чемпиондугун багындырган.

Жаңылыктар түрмөгү
0