БИШКЕК, 29-июл. — Sputnik. Бишкекте 31 жаштагы Темирбек Шермат уулу изделип жатат. Бул тууралуу Ленин РИИБинин маалымат кызматы кабарлады.
Изделип жаткан Темирбек Шермат уулу
© Фото / УВД Ленинского района
Ага ылайык, 18-июлда милицияга анын атасы арыз жазып, таап берүүнү өтүнгөн. Анын айтымында, уулу 15-июль күнү саат 11:00дөр чамасында борбордогу Лесхозная көчөсүндөгү үйүнөн чыккан боюнча кайтып келген эмес. Учурда кайда жүргөнү белгисиз.
Анын бою 180-185 сантиметр, арыгыраак, чачы кара, көзү күрөң, мурду кырдач. Үстүнө кара футболка, астына кара спорттук шым жана кызыл жеңил бут кийим кийип жүргөн.
Милиция Темирбек Шермат уулу Республикалык психикалык ден соолук борборунун каттоосунда турганын белгиледи.
Жоголгон кишини көрүп-билгендер болсо 0 (312) 352-605, 0 (312) 444- 457, 0 (312) 352-632, 0 (553) 102-880, 0 (773) 909-465, 0 (551) 088-330, 0 (701) 644-403, 0 (500) 032-000 жана 102 номерлери аркылуу милицияга кабар берсе болот.
