Эмдөөгө чейин жана кийин антителону текшерүү керекпи? Вирусологдун жообу

© Фото / Республиканский штаб КР по борьбе с COVID-19Руководитель Центра по контролю за вирусными инфекциями Зуридин Нурматов
Руководитель Центра по контролю за вирусными инфекциями Зуридин Нурматов - Sputnik Кыргызстан, 1920, 28.07.2021
Жазылуу
Yandex newsTelegram
Адис эмдөө ооруну чакырат деп айткан пикирлер туура эмес экенин, себеби вакцина өлтүрүлгөн вирустардан же анын бөлүктөрүнөн турарын белгиледи.

БИШКЕК, 28-июл. — Sputnik. Вакцина сайдырганга чейин жана андан кийин эмнеге антителону текшерүүнүн кажети жок экенин Вирус инфекцияларына каршы күрөшүү боюнча илимий-практикалык борбордун жетекчиси Зуридин Нурматов брифингде жооп берди.

Ал билдиргендей, эмдөөгө чейин антителонун деңгээлин билүү милдеттүү эмес, анткени көп жерде текшерүүгө лабораториялар жок.

"Эгерде антитело жок болсо, эмдөөдөн кийин вируска каршы иммунитет көтөрүлөт. Ал эми антитело бар болгон учурда вакцинадан кийин анын саны вируска каршы дагы көбөйөт. Ошондой эле вакцинадан кийин антителону текшербей деле койсо болот. Себеби ар бир адамда иммунитет ар кандай иштелип чыгат", — деген адис.

Ошондой эле лабораториялык текшерүүдө бардыгында эле антителонун жыйынтыгы чыкпай калышы мүмкүндүгүн айткан.

Эмдөө сертификаты менен медициналык кызматкер. Архив - Sputnik Кыргызстан, 1920, 25.07.2021
Эмдөөдөн өттү деген сертификатты кайсы жерден жана кантип алууга болот 
"Лабораториялык текшерүүдө кээ бир адамдарда антитело бар болсо, кай биринде жок болушу мүмкүн. Бул тест-системадан көз каранды. Эгерде S белоктун негизинде жасалган вакцина болсо, анда N белокко антителону аныктай турган тест-система S белокко каршы иштелип чыккан антителону көрө албайт", — деген вирусолог.

Мындан сырткары, ал эл арасындагы эмдөөдөн кийин адамдар ооруп калышы мүмкүн деген суроого жооп берген.

"Эмдөө — ооруну чакырбайт. Себеби вакцина авируленттүү, өлтүрүлгөн вирустардан же анын бөлүктөрүнөн турат. Вакцина антитело иштелип чыккандан кийин ооруга бөгөт коёт. Эгерде адам вирус жуктуруп алып, симптомдору пайда болгончо вакцина алса, анда ал ооруп калышы мүмкүн. Бирок муну эмдөөдөн улам деп айтууга болбойт", — деген Нурматов.

Марафон вакцинации препаратом Sputnik V в Молдавии - Sputnik Кыргызстан, 1920, 21.07.2021
Кант диабети барлар COVID-19га каршы кандай учурда эмделиши керек
Өлкөдө буга чейин Россиянын "Спутник V" жана Кытайдын Sinopharm вакциналары сайылып келген. Жакында эле Азербайжан Кыргызстанга гумжардам катары AstraZeneca вакцинасынын 40 миң дозасын (20 миң адамга жетет) берип, аны менен да эмдөө башталды.

AstraZeneca Оксфорд университети менен кызматташуу аркылуу шведдик-британдык фармацевтикалык компания тарабынан жасалган.

Жаңылыктар түрмөгү
0