QazVac вакцинасын жеткирип келген казак окумуштуусу препарат тууралуу айтып берди
QazVac вакцинасын жеткирип келген казак окумуштуусу препарат тууралуу айтып берди
Sputnik Кыргызстан
Өндүрүүчүлөрдүн айтымында, QazVac вакцинасы Дүйнөлүк саламаттык сактоо уюмунун стандарттарына туура келет жана аны менен бүгүнкү күнгө чейин 300 миңден ашык... 28.07.2021, Sputnik Кыргызстан
Өндүрүүчүлөрдүн айтымында, QazVac вакцинасы Дүйнөлүк саламаттык сактоо уюмунун стандарттарына туура келет жана аны менен бүгүнкү күнгө чейин 300 миңден ашык казакстандык эмделди.
БИШКЕК, 28-июл. — Sputnik. Кыргызстанга гуманитардык жардам катары QazVac вакцинасынын 25 миң дозасы алып келинди. Бул тууралуу Саламаттык сактоо жана социалдык өнүктүрүү министрлигинен кабарлашты.
Препаратты тапшыруу иш-чарасына КРдин саламаттык сактоо жана социалдык өнүктүрүү министри Алымкадыр Бейшеналиев, казак элчиси Рапиль Жошыбаев жана вакцинаны иштеп чыккан илимий борбордун өкүлдөрү катышты.
Препаратты тапшыруу иш-чарасына КРдин саламаттык сактоо жана социалдык өнүктүрүү министри Алымкадыр Бейшеналиев, казак элчиси Рапиль Жошыбаев жана вакцинаны иштеп чыккан илимий борбордун өкүлдөрү катышты.
Препаратты тапшыруу иш-чарасына КРдин саламаттык сактоо жана социалдык өнүктүрүү министри Алымкадыр Бейшеналиев, казак элчиси Рапиль Жошыбаев жана вакцинаны иштеп чыккан илимий борбордун өкүлдөрү катышты.
"Вакцинаны казак өкмөтү президент Касым-Жомарт Токаевдин тапшырмасы менен жеткирип отурат. Бул тууралуу буга чейин эки өлкөнүн лидерлеринин деңгээлинде сүйлөшүүлөр болгон", — деди казак элчиси.
Өз кезегинде министр Бейшеналиев Казакстанга коронавирус инфекциясы менен күрөшүүдөгү көрсөткөн колдоосу үчүн ыраазычылык билдирди.
"Казакстан былтыр жардам иретинде 400 даана өпкөнү жасалма жол менен дем алдыруучу портативдик аппараттарды, 2 миллион даана медициналык бет кап берген. Ал эми бүгүн жеткирилген 25 миң доза вакцина менен 12,5 миң кишини эмдөөгө болот", — деди Бейшеналиев.
Казакстандын Биологиялык коопсуздук көйгөйлөрү боюнча илимий-изилдөө институтунун директорунун орун басары, QazVac вакцинасын иштеп чыккан адистердин бири Ергали Абдураимов препарат Дүйнөлүк саламаттык сактоо уюмунун стандарттарына туура келерин жана аны менен 300 миңден ашык казакстандык эмделгенин айтты.
"18 жаштан жогорку бардык каалоочуларды эмдесе болот. Эки компоненттин ортосунда башка вакциналардай эле 21 күн өтүшү керек. Ушул күнгө чейин олуттуу кыйыр таасирлери байкала элек", — деди окумуштуу.
QazVac вакцинасы Казакстандын Биологиялык коопсуздук көйгөйлөрү боюнча илимий-изилдөө институту тарабынан иштелип чыгып, жыл башынан бери коңшу өлкөдө кеңири пайдаланылууда. Ал коронавирустан 90 пайызга чейин коргой алары айтылат.
Эске салсак, ушул убакка чейин кыргызстандыктар Кытайдын Sinofarm, Россиянын "Спутник V" жана швед-британия окумуштуулары биргеликте иштеп чыккан AstraZeneca вакциналарын алып жаткан.
