БИШКЕК, 27-июл. — Sputnik. Жогорку Кеңештин депутаты Төрөбөй Зулпукаровдун камактагы мөөнөтү эки айга узартылды.
Биринчи май райондук сотунан билдиришкендей, эл өкүлү соттун чечимине ылайык, 30-сентябрга чейин УКМКнын тергөө абагында болот.
Буга чейин Асылбек Жээнбековдун дагы бөгөт чарасы каралып, камактагы мөөнөтү узартылган. Соттун имаратынын алдына эки депутаттын 300гө жакын тарапташы чогулган.
Эскерте кетсек, Жээнбеков менен Зулпукаров Кумтөр иши боюнча Жазык кодексинин 319-беренесинин ("Коррупция") негизинде шектелип, 31-июлга чейин камакка алынган болчу.
