БИШКЕК, 24-июл. — Sputnik. UFC уюмунун экс-чемпиону Хабиб Нурмагомедовдун EAGLE FC лигасынын Чолпон-Атада өтүүчү мелдешинде кыргызстандык мушкер Алексей Федосеев беттешке чыгат. Спортчунун атаандашы менен постерин аталган уюм социалдык тармактагы баракчасына жарыялады.
Посмотреть эту публикацию в Instagram
Кикбоксинг боюнча дүйнө чемпиону Федосеев ММА спортундагы экинчи беттешинде казакстандык Досбол Елеген менен кез келет.
Кыргызстандык мушкер аралаш мушташ спортуна 2019-жылы өтүп, Кореядагы мелдеште жергиликтүү атлет Жи Вон Кону калыстардын чечими менен уткан. Ал эми анын атаандашы ММА спортунда жети таймашка чыгып, төртөөсүн уткан. Үч жолу жеңилген.
EAGLE FC лигасынын турнири Кыргызстанда алгачкы ирет өтөт. 3-августка белгиленген мелдештин башкы беттешинде уюмдун жеңил салмактагы учурдагы чемпиону Руслан Яманбаев (Россия) чемпиондук наамын коргоо үчүн кыргызстандык Бусурманкул Абдибаит уулу менен таймашат.
