БИШКЕК, 23-июл. — Sputnik. Өзгөчө кырдаалдар министрлиги шашылыш билдирүү таратып, 24-27-июль күндөрү нормадан тышкары ысык аба ырайы күтүлөрүн кабарлады.
Маалыматка ылайык, абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 38…40 градуска чейин, Талас өрөөнүндө 37…39 градуска чейин жогорулайт.
Ал эми бүгүн, 23-июлда, республиканын тоолуу жана тоо этектериндеги райондорунда туруксуз аба ырайына жана күтүлүп жаткан нөшөрлүү жаан-чачынга байланыштуу сел жүрүшү мүмкүн.
