Коронавирустун жаңы штаммдарынын мурда байкалбаган симптомдору айтылды

© AFP 2022 / JUNI KRISWANTOМедициналык кызматкер ооруканада
Медициналык кызматкер ооруканада - Sputnik Кыргызстан, 1920, 19.07.2021
Жазылуу
НовостиTelegram
Адистин билдиришинче, вирус тезирээк тарай баштады, башкача айтканда, жугуштуу болуп калды. Вакцина алгандар гана ооруну чанда жуктурууда.
БИШКЕК, 19-июл. — Sputnik. Коронавирустун жаңы штаммдарынын мурда байкалбаган симптомдору билине баштады. Бул тууралуу Россиянын саламаттык сактоо министри Михаил Мурашко билдиргенин РИА Новости жазды.
"Кээде ичеги-карынды ооруткан белгилер байкалууда. Көбүнчө ангинага окшош көрүнүштөр коштолот", — деген ал.
Работа дневных стационаров в Бишкеке - Sputnik Кыргызстан, 1920, 18.07.2021
COVID-19дун жеңил түрү менен ооругандарда канча антитела болот. Адистин пикири
Анын айтымында, вирус тезирээк тарай баштады, башкача айтканда, жугуштуу болуп калды. Министр вакцина алган адамдар жалпы ооругандардын 2,5 пайызын түзөрүн кошумчалаган. Көбү ооруну жеңил көтөрүп, бейтаптардын 95 пайызын ооруканага жаткыруунун деле кажети жок болду.
Дүйнөлүк саламаттык сактоо уюмунун акыркы маалыматтары боюнча, коронавирус 188,6 миллион адамда аныкталды, ал эми Жон Хопкинс университетинин эсебинде оорулуулардын саны 190,4 миллиондон ашты. Төрт миллиондон ашуун киши көз жумду. АКШ, Индия, Бразилияда абал турукташа элек.
Жаңылыктар түрмөгү
0