Кытайлык киши жоголгон уулун 24 жыл бою издеп жүрүп, акыры таап алды
09:53 14.07.2021 (Жаңыртылды: 14:27 14.12.2021)
© Photo / Pexels / Juan Pablo Serrano Arenas
Жазылуу
Баланы эки жашында Шаньдун провинциясынан уурдап кетишкен. Ошондон бери уулунан үмүт үзбөгөн ата Кытайдын 20 провинциясын велосипед жана мотоцикл менен кыдырып чыккан.
БИШКЕК, 14-июл. — Sputnik. Кытайлык Го Гонтан аттуу адам 24 жыл мурда жоголгон уулун издеп жүрүп, акыры таап алды. Бул тууралуу Daily Mail жазды.
Баланы эки жашында Шаньдун провинциясынан уурдап кетишкен. Ошондон бери уулунан үмүт үзбөгөн ата Кытайдын 20 провинциясын велосипед жана мотоцикл менен кыдырып чыккан.
Riabbracciarsi dopo 24 anni
— Lala Hu (@LalaHu9) July 13, 2021
Shandong - Dopo 24 anni Guo Xinzhen, rapito dai trafficanti nel 1997 a 2 anni, ha potuto riabbracciare i propri genitori.
In questi anni, il padre Guo Gangtang lo aveva cercato percorrendo in moto 500mila km fino ad indebitarsi e chiedere l’elemosina. pic.twitter.com/LULgnb9VFx
"Гонтан транспортуна баласынын портретин илип алган. Бул жылдар арасында ал жолдо жүрүп далай кырсыкка кабылып, ал тургай кол салуунун дагы курмандыгы болгон. Көп ирет көчөгө түнөп, кайыр суроого туура келген", — деп жазылат макалада.
Father is reunited with son who was abducted 24 YEARS ago aged two https://t.co/Hhd0Wqb30t
— Daily Mail Online (@MailOnline) July 13, 2021
Бирок ал көздөгөнүнөн кайтпай жүрүп, жоголгон балдарды издөө менен алектенген уюмдун мүчөсү боло алган. Ал ортодо жоголуп кеткен жети баланы ата-энеси менен табыштырууга жетишкен. Анын таржымалы тууралуу 2015-жылы көркөм фильм тартылган.
"Ошентип 2021-жылы Хэнань провинциясынан өз уулун таап алды. 26 жаштагы Синьчжэнь аттуу жигит анын баласы экенин далилдеш үчүн ДНК-тест тапшырууга туура келди. Көрсө, баланы 1997-жылы уурдап кеткендер башка провинцияга алып барып, жаш үй-бүлөгө саткан экен. Алар аны багып эрезеге жеткирген. Учурда Синьчжэнь мектепте мугалим болуп иштеп жүрүптүр", — деп жазылат кабарда.
Кытайда бала уурдоо чоң көйгөй болуп эсептелет. Расмий статистикага караганда, өлкөдө бир жыл ичинде 20 миңге чукул бала жоголот.
