Сестенткен илбирс, сүлөөсүн, суур. Чоң-Кеминде фотокапканга түшкөн жаныбарлар
Сестенткен илбирс, сүлөөсүн, суур. Чоң-Кеминде фотокапканга түшкөн жаныбарлар
Sputnik Кыргызстан
Сейрек кездешкен жапайы жаныбарлардын сүрөтү Чүй облусунун Чоң-Кемин өрөөнүндө бир нече айда тартылып алынган. Sputnik Кыргызстан агенттиги алардын айрымдарын... 15.06.2021, Sputnik Кыргызстан
Сейрек кездешкен жапайы жаныбарлардын сүрөтү Чүй облусунун Чоң-Кемин өрөөнүндө бир нече айда тартылып алынган. Sputnik Кыргызстан агенттиги алардын айрымдарын сунуштайт.
Өткөн жылдын октябрь айында Бириккен Улуттар Уюмунун Айлана-чөйрө боюнча программасы, "Илбирс" коомдук фонду, Snow Leopard Foundation in Kyrgyzstan уюму ак илбирстерди изилдөө багытында фотокапкандарды орноткон. Кайра 2021-жылдын май айында чечилген аппараттарга улар, сүлөөсүн, илбирс, тоо эчки, суур, түлкү түшүп калган.
Жаратылышты коргоого багытталган иш-чарага Экология жана климат мамлекеттик комитети, Global Snow Leopard & Ecosystem Protection Program эл аралык уюму да катышкан. Адистер ал сүрөттөрдүн негизинде ак илбирстин болжолдуу санын, байырлаган аймагын, азыгын жана климаттын жандыктарга тийгизген таасирин аныктай алышат. Андан сырткары, ал маалыматтар менен мыйзамсыз аңчылыкка каршы күрөшүүгө да болот.
Эске сала кетсек, Кыргызстанда Кызыл китепке кирген жаныбар менен өсүмдүктөрдүн 209 түрү бар.
