Спортчу Арстанбек Базаркулов Паралимпиадага жолдомо алды

© Фото / пресс-служба Госагентства спортаЯдро ыргытуу спортунун чебери Арстанбек Базаркулов. Архив
Ядро ыргытуу спортунун чебери Арстанбек Базаркулов. Архив - Sputnik Кыргызстан, 1920, 19.05.2021
Жазылуу
Спортчу Швейцарияда өткөн Гран-при мелдешинде коло медаль алган. Мындай көрсөткүч атлеттин паралимпиадалык жолдомо алуусу үчүн жетиштүү болду.
БИШКЕК, 19-май — Sputnik. Ядро ыргытуу спортунун чебери Арстанбек Базаркулов Токиодо өтө турган XVI Паралимпиада оюндарына лицензия утту. Бул тууралуу Жаштар иши, дене тарбия жана спорт агенттигинин маалымат кызматы билдирди.
Бул Кыргызстандын курама командасы үчүн XVI Паралимпиада оюндарына алгачкы жана азырынча жалгыз лицензия болуп саналат.
Спортчу 7-18-май күндөрү Швейцариянын Ноттвиль шаарында өткөн Гран-при мелдешинде спорттук снарядды 7,98 метр алыстыкка ыргытып, коло медаль жеңген. Мындай көрсөткүч атлеттин паралимпиадалык жолдомо алуусуна жетиштүү болду.
Кыргызстандык фехтование боюнча спортчу Роман Петров (ортодо) - Sputnik Кыргызстан, 1920, 26.04.2021
Фехтование боюнча спортчу Роман Петров Олимпиада оюндарына жолдомо алды
Ал жеңил атлетиканын аталган түрүнөн үч лицензиялык мелдеште көрсөткөн жыйынтыгы боюнча паралимпиадалык нормативди аткарган.
Арстанбек Базаркулов 6-14-февраль күндөрү Дубай шаарында (БАЭ) өткөн Гран-при лицензиялык мелдешинде ядро ыргытуу боюнча 5-орунду ээлеген. Тунисте өткөн Гран-при мелдешинде (13-22-март) 4-орунга чыккан болчу.
XVI Паралимпиада оюндары Япониянын борбору Токиодо 2021-жылдын 24-августунан 5-сентябрына чейин өтөт.
Белгилей кетсек, спортчунун аталган мелдештерге катышуусу Жаштар иши, дене тарбия жана спорт боюнча мамлекеттик агенттикке караштуу Спорттун олимпиадалык эмес түрлөрү боюнча дирекциясы тарабынан каржыланган.
Жаңылыктар түрмөгү
0