Кара-Кулжада сел жүрүп, ӨКМ 200дөн ашуун тургунду эвакуациялады. Сүрөт
18:20 11.05.2021 (Жаңыртылды: 14:27 14.12.2021)
© Фото / Зульфия Тургунова
Жазылуу
Жеринде куткаруу иштерин жүргүзүү үчүн атайын техника, Тез жардам кызматы жана 22 куткаруучу иштеп жатат.
БИШКЕК, 11-май — Sputnik. Кара-Кулжа районунда нөшөрлөп жааган жаандан улам сел жүрүп, Сары-Булак айылынан 200дөн ашуун тургун эвакуацияланды. Бул тууралуу ӨКМден кабарлашты.
1/3
© Фото / Зульфия Тургунова
Кара-Кулжа районунда нөшөрлөп жааган жаандан улам сел жүрүп, Сары-Булак айылынан 200дөн ашуун тургуну эвакуацияланды
2/3
© Фото / Зульфия Тургунова
Жеринде куткаруу иштерин жүргүзүү үчүн атайын техника, тез жардам унаалар жана 22 куткаруучу иштеп жатат
3/3
© Фото / Зульфия Тургунова
Сел жүргөн аймакка өкмөттүн Ош облусундагы өкүлү Жарасул Абдураимов да барды.
1/3
© Фото / Зульфия Тургунова
Кара-Кулжа районунда нөшөрлөп жааган жаандан улам сел жүрүп, Сары-Булак айылынан 200дөн ашуун тургуну эвакуацияланды
2/3
© Фото / Зульфия Тургунова
Жеринде куткаруу иштерин жүргүзүү үчүн атайын техника, тез жардам унаалар жана 22 куткаруучу иштеп жатат
3/3
© Фото / Зульфия Тургунова
Сел жүргөн аймакка өкмөттүн Ош облусундагы өкүлү Жарасул Абдураимов да барды.
"Сары-Булак айылынан 200дөн ашуун жаран райондук Жарандык коргонуу кызматынын күчү менен эвакуацияланып, Кара-Кочкор айылындагы орто мектептин имаратына жана туугандарыныкына жеткирилди", — деп айтылат билдирүүдө.
Мындан тышкары, министрлик бул аймактагы жабыркаган айылдар менен жолдорду тизмектеди:
- Мырзаке — Кара-Кулжа — Алайкуу унаа жолунун 57-60-чакырымдарында сел жүргөн. 57-чакырымда атайын техника иштеп, жолду ачып берди;
- Кара-Кочкор айыл аймагынын Сары-Булак, Кара-Кочкор, Ак-Кыя айылдарында тоо бетинен, кокту-колоттордон чогулуп түшкөн суу ташкындары турак жайларды каптап, ошол эле Мырзаке — Кара-Кулжа — Алайкуу жолунун 10-17-20-чакырымында сел жүргөн;
- Ылай-Талаа — Түшүнүк унаа жолунун 15-чакырымындагы Насирдин айылындагы унаа көпүрөнү сел алып кетип, жол жабылган. Атайын техникалар Кара-Кочкор айыл аймагына тартылгандыктан айланма жолду ачуу боюнча жумуштар убактылуу токтотулган;
- Кара-Кулжа — Ак-Кыя жолунун 1-3-чакырымдарында шагыл аралаш сел агып, жол жабылган.
Жеринде куткаруу иштерин жүргүзүү үчүн атайын техника, Тез жардам кызматы жана 22 куткаруучу иштеп жатат.
Сел жүргөн аймакка өкмөттүн Ош облусундагы өкүлү Жарасул Абдураимов да барды.
