https://sputnik.kg/20210511/batkende-okko-uchkan-akzhol-arypbay-uulu-1052464197.html
Мойнунан кан аккан боюнча көмүлдү. Чек арада окко учкан Акжолдун трагедиясы. Видео
Мойнунан кан аккан боюнча көмүлдү. Чек арада окко учкан Акжолдун трагедиясы. Видео
Sputnik Кыргызстан
Тажикстандын куралдуу кол салуусунан каза тапкан 36 кыргызстандыктын арасында Акжол Арыпбай уулу да бар. Ал быйыл 25 жашка толгон, Баткен районунун Кара-Бак... 11.05.2021, Sputnik Кыргызстан
2021-05-11T19:55+0600
2021-05-11T19:55+0600
2021-12-15T22:53+0600
жаңылыктар
коом
кыргызстан
окуялар
видео
мультимедиа
баткен облусу
кара-бак
чыр-чатак
тажикстан
https://sputnik.kg/img/07e5/05/0b/1052464159_0:0:1920:1080_1920x0_80_0_0_287106e00d5cb1c67f5c850116cb6924.jpg
Акжолдун артында туяк калган жок, дагы бир аз иштеп, үйүн оңдоп алып анан үйлөнөм деп жүргөн. Эгер кандуу кагылышуу болбогондо ал 2-май күнү атасына куран окутуп, эртеси улгайган апасын ден соолугун чыңдоо үчүн ооруканага жаткырмак.Маркумдун атасынын агасы Шарип Сүйүнов инисинин сөөгүн бир күндөн кийин табышканын айтат.Акжол сегиз бир туугандын төртүнчүсү. Апасы Райымахан Ниязова ал фундамент куюп иштеп үй-бүлөсүнө каралашып келгенин айтат."Шартка байланыштуу үйлөнө албай жүрдү, "апа, бутума турсам үйлөнөм" деген. Ишке деп кетип ошол бойдон өлүп келди. Чалдым, чалдым, телефонун көтөрбөдү, кийин "өтүптүр" деп айтышты. Элим үчүн коргойм, мен баарына даярмын деп барыптыр да. Өзү намыскөй, бирөөгө эч жаман сүйлөбөгөн бала эле. Былтыр бетон аралаштыргыч алып, "эми, апа, ушуну менен бутума туруп кетем" деп жүргөн. Бул жактагы агасынын үйүндө да жүк түшүрүп иштечү. "Апа, ишембиде базарлык кылып, жекшемби күнү ооз ачар өткөрүп атама куран окутабыз. Анан дүйшөмбү күнү сизди жакшы бир жерге алып барып эс алдырам, кант диабетиңизди көрсөтөм" деген. Акыркы сүйлөгөн сөзү ошол болду", — деп ыйлады муңайган эне.Чыр чыккан күнү "Головной" суу бөлүштүрүүчү жайында 25 жай тургун мерт болгон. Жарадарларды алып келүүгө тез жардам унаасы да өтө албай калган.Аталган суу таратуучу пункту Баткен районунун Кара-Бак айылы үчүн да маанилүү. Себеби ошол жактан чыккан суу менен эгинин сугарышат. Куралдуу кагылышуудан бул айылдан беш адам мерт болгон.
https://sputnik.kg/20210504/barymtadan-chykkan-kyrgyzstandyktardyn-video-maegi-1052383864.html
баткен облусу
кара-бак
тажикстан
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
жаңылыктар, коом, кыргызстан, окуялар, видео, мультимедиа, баткен облусу, кара-бак, чыр-чатак, тажикстан, өлүм, баткендеги кыргыз-тажик жаңжалы
жаңылыктар, коом, кыргызстан, окуялар, видео, мультимедиа, баткен облусу, кара-бак, чыр-чатак, тажикстан, өлүм, баткендеги кыргыз-тажик жаңжалы
Мойнунан кан аккан боюнча көмүлдү. Чек арада окко учкан Акжолдун трагедиясы. Видео
19:55 11.05.2021 (Жаңыртылды: 22:53 15.12.2021) Тажикстандын куралдуу кол салуусунан каза тапкан 36 кыргызстандыктын арасында Акжол Арыпбай уулу да бар. Ал быйыл 25 жашка толгон, Баткен районунун Кара-Бак айылында жашачу. 29-апрелде айылдаштары менен "Головной" суу бөлүштүрүүчү жайына барып окко учкан.
Акжолдун артында туяк калган жок, дагы бир аз иштеп, үйүн оңдоп алып анан үйлөнөм деп жүргөн. Эгер кандуу кагылышуу болбогондо ал 2-май күнү атасына куран окутуп, эртеси улгайган апасын ден соолугун чыңдоо үчүн ооруканага жаткырмак.
Маркумдун атасынын агасы Шарип Сүйүнов инисинин сөөгүн бир күндөн кийин табышканын айтат.
"Баткендеги өлүкканага барсак 18 адамдын сөөгү келди. Өлүктөрдү тизип койгон экен, ошол жерден тааныдык. Медиктер бети-башын тазалап берди, алып келип жерге бердик. Жума күнү биздин айылдан төртөөнү бир узаттык, мечитте жаназасы окулду. Эртеси дагы бир жигиттин сөөгү келди. Негизи бейшемби күнү бизде мал базар болот. "Головнойдогу" жаңжал боюнча телефондон кабар беришип, "жардамга келгиле" дешсе базардан ары эле кетиптир. Барганда миномёт менен аткан окшойт. Мойнунан кан токтободу, ошол бойдон алып барып койдук", — деди Сүйүнов.
Акжол сегиз бир туугандын төртүнчүсү. Апасы Райымахан Ниязова ал фундамент куюп иштеп үй-бүлөсүнө каралашып келгенин айтат.
"Шартка байланыштуу үйлөнө албай жүрдү, "апа, бутума турсам үйлөнөм" деген. Ишке деп кетип ошол бойдон өлүп келди. Чалдым, чалдым, телефонун көтөрбөдү, кийин "өтүптүр" деп айтышты. Элим үчүн коргойм, мен баарына даярмын деп барыптыр да. Өзү намыскөй, бирөөгө эч жаман сүйлөбөгөн бала эле. Былтыр бетон аралаштыргыч алып, "эми, апа, ушуну менен бутума туруп кетем" деп жүргөн. Бул жактагы агасынын үйүндө да жүк түшүрүп иштечү. "Апа, ишембиде базарлык кылып, жекшемби күнү ооз ачар өткөрүп атама куран окутабыз. Анан дүйшөмбү күнү сизди жакшы бир жерге алып барып эс алдырам, кант диабетиңизди көрсөтөм" деген. Акыркы сүйлөгөн сөзү ошол болду", — деп ыйлады муңайган эне.
Чыр чыккан күнү "Головной" суу бөлүштүрүүчү жайында 25 жай тургун мерт болгон. Жарадарларды алып келүүгө тез жардам унаасы да өтө албай калган.
Аталган суу таратуучу пункту Баткен районунун Кара-Бак айылы үчүн да маанилүү. Себеби ошол жактан чыккан суу менен эгинин сугарышат. Куралдуу кагылышуудан бул айылдан беш адам мерт болгон.
