https://sputnik.kg/20210510/lejlektin-cheti-arkadagy-ayanychtuu-kadrlar-1052453484.html
Дүкөндөрдү тоноп, малын союп жешкен. Лейлектеги айылдардан аянычтуу кадрлар
Дүкөндөрдү тоноп, малын союп жешкен. Лейлектеги айылдардан аянычтуу кадрлар
Sputnik Кыргызстан
Чек арадагы куралдуу жаңжалда Арка айылындагы 10дон ашуун май куюучу жайдын таш талканы чыккан. Тажик тарап кыргыздарга таандык объектилерди өрттөп кеткен. Ал... 10.05.2021, Sputnik Кыргызстан
2021-05-10T20:00+0600
2021-05-10T20:00+0600
2021-12-14T14:27+0600
жаңылыктар
коом
кыргызстан
окуялар
видео
мультимедиа
лейлек району
өрт
тоноо
тажикстан
https://sputnik.kg/img/07e5/05/0a/1052453440_6:0:1280:720_1920x0_80_0_0_eae00018f7877cd70a6ab3f12d9c015d.jpg
Кыргызстандык Мутабар Касымованын үйүнөн тажик аскеринин формасы да чыкты. Буга чекесинде жазылган "Рочабов" деген ысым, чөнтөгүнөн чыккан тажик акчасы далил болот. Үй ээси анын балдарынын кийимин кийип кетишкенин айтат. Алар муну менен чектелген эмес.Ал эми Акылбай Турсунбаевдин үйүнө гранатомёттун снаряды түшүп күлгө айланган. Бул учурда үйүн кайтарып калган айылдагы эркектер эми гана ооз ачарга отурган эле."Кечке жуук болду, саат 20:00дөн кийин ооз ачар болоюн деп калган. Ооз ачышка жетишпей калдык. Жалын ичинен да, үстүнөн дагы чыгып жатты. Өчүрөйүн деп кирип ууланып калдым, Шухрат кошунам "кирбеңиз" деп колумдан тартып алып чыкты", — деди Турсунбаев.Арка жана Борбордук айылындагы жол боюнда жайгашкан дүкөн, кафелердин бири калбай тонолуп, андан соң өрттөлгөн."Манас" дүкөнүнүн ээси Ахунжан Шакиров андан тажикстандыктар дагы азык-түлүк сатып алып турганын, себеби кыргыз тарапта арзан болорун айтат. Ал январь айында Россиядан акча чогултуп келип, иниси экөө дүкөн ачкан. Жаңжалдын кесепетинен эки миллион сомдон кол жууп отурат.Шерзат Самандаров ПРООНдун Youth of Osh долбоорунун колдоосу менен 2017-жылы "Караван" деген кафе ачкан. Кийинчерээк анын жанында азык-түлүк, курулуш материалдарын сата баштаган."Youth of Osh долбоору Тажикстан менен тынч жашаган кошуна эл деген сыяктуу чек аралаш аймактарды колдогон. Бул айылдан мен утуп алган болчумун. Азыркы чыгымды болжол менен эсептесем 150 миң доллардан ашып калды. Курулуш материалдар, товарлар, муздаткыч жана башка жабдуулардын баары жок болгон. Биринчи тоноп баарын алып чыгып, анан күйгүзүп ийген", — деди Самандаров.Арка, Борбордук айылдарын Лейлек районун эң четинде жайгашкан. Тажикстан менен чек араны жол гана бөлүп турат. Ал трассаны эки өлкө тең пайдаланат.
https://sputnik.kg/20210506/okko-uchkan-turdubaj-sattarovdun-batken-1052405836.html
https://sputnik.kg/20210503/maksat-ajylynda-60tan-ashuun-uj-orttolgon-1052367140.html
лейлек району
тажикстан
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
жаңылыктар, коом, кыргызстан, окуялар, видео, мультимедиа, лейлек району, өрт, тоноо, тажикстан, жаңжал, баткендеги кыргыз-тажик жаңжалы
жаңылыктар, коом, кыргызстан, окуялар, видео, мультимедиа, лейлек району, өрт, тоноо, тажикстан, жаңжал, баткендеги кыргыз-тажик жаңжалы
Дүкөндөрдү тоноп, малын союп жешкен. Лейлектеги айылдардан аянычтуу кадрлар
20:00 10.05.2021 (Жаңыртылды: 14:27 14.12.2021) Чек арадагы куралдуу жаңжалда Арка айылындагы 10дон ашуун май куюучу жайдын таш талканы чыккан. Тажик тарап кыргыздарга таандык объектилерди өрттөп кеткен. Ал эми Борбордук айылындагы үйлөрдү талап-тоноп, жанына окоп казып талаага качкан эл тарапты аңдып жатышкан.
Кыргызстандык Мутабар Касымованын үйүнөн тажик аскеринин формасы да чыкты. Буга чекесинде жазылган "Рочабов" деген ысым, чөнтөгүнөн чыккан тажик акчасы далил болот. Үй ээси анын балдарынын кийимин кийип кетишкенин айтат. Алар муну менен чектелген эмес.
"Короодогу эчкибизди союп, очокко тамак жасашыптыр. Үйдөгү азык-түлүктөрдү алып чыгып тапчанда отурушкан экен. Арак да ичишиптир, бөтөлкөдө жарымы калып калган. Үйдөн эч бир нерсени калтырбай тинтип, чачып салышыптыр. Адам баласы дагы ушундай кылабы? Жадагалса ымыркай орогондун ичин аңтарып көрүшүптүр", — деди Касымова.
Ал эми Акылбай Турсунбаевдин үйүнө гранатомёттун снаряды түшүп күлгө айланган. Бул учурда үйүн кайтарып калган айылдагы эркектер эми гана ооз ачарга отурган эле.
"Кечке жуук болду, саат 20:00дөн кийин ооз ачар болоюн деп калган. Ооз ачышка жетишпей калдык. Жалын ичинен да, үстүнөн дагы чыгып жатты. Өчүрөйүн деп кирип ууланып калдым, Шухрат кошунам "кирбеңиз" деп колумдан тартып алып чыкты", — деди Турсунбаев.
Арка жана Борбордук айылындагы жол боюнда жайгашкан дүкөн, кафелердин бири калбай тонолуп, андан соң өрттөлгөн.
"Манас" дүкөнүнүн ээси Ахунжан Шакиров андан тажикстандыктар дагы азык-түлүк сатып алып турганын, себеби кыргыз тарапта арзан болорун айтат. Ал январь айында Россиядан акча чогултуп келип, иниси экөө дүкөн ачкан. Жаңжалдын кесепетинен эки миллион сомдон кол жууп отурат.
Шерзат Самандаров ПРООНдун Youth of Osh долбоорунун колдоосу менен 2017-жылы "Караван" деген кафе ачкан. Кийинчерээк анын жанында азык-түлүк, курулуш материалдарын сата баштаган.
"Youth of Osh долбоору Тажикстан менен тынч жашаган кошуна эл деген сыяктуу чек аралаш аймактарды колдогон. Бул айылдан мен утуп алган болчумун. Азыркы чыгымды болжол менен эсептесем 150 миң доллардан ашып калды. Курулуш материалдар, товарлар, муздаткыч жана башка жабдуулардын баары жок болгон. Биринчи тоноп баарын алып чыгып, анан күйгүзүп ийген", — деди Самандаров.
Арка, Борбордук айылдарын Лейлек районун эң четинде жайгашкан. Тажикстан менен чек араны жол гана бөлүп турат. Ал трассаны эки өлкө тең пайдаланат.
