Прокуратура Жумалиевдин балдарын кайра камоо боюнча сотко сунуш берди

© Sputnik / Эламан КарымшаковЖогорку Кеңештин депутаты Кубанычбек Жумалиев. Архив
Жогорку Кеңештин депутаты Кубанычбек Жумалиев. Архив - Sputnik Кыргызстан, 1920, 05.02.2021
Жазылуу
Буга чейин Финпол Жумалиевдин эки уулун алдамчылыкка айыптап кармаган, бирок Биринчи май райондук соту үй камагына чыгарган болчу.
БИШКЕК, 5-фев. — Sputnik. Прокуратура тарабынан Жогорку Кеңештин депутаты Кубанычбек Жумалиевдин балдарын кайра камоо боюнча Бишкек шаардык сотуна сунуш берилди. Бул тууралуу башкы прокурор Курманкул Зулушев маалымат жыйында билдирди.
Белгилей кетсек, Финпол Жумалиевдин эки уулун алдамчылыкка айыптап кармаган, бирок Биринчи май райондук соту баш коргоо чарасын тандап үй камагына чыгарган.
"Жумалиевдин балдарын камакка алуу боюнча жогорку инстанцияга сунуш бердик. Шаардык сот чечим чыгаргандан кийин Биринчи май райондук сот чыгарган чечимдин мыйзамдуулугун карайбыз", — деди башкы прокурор.
Ошондой эле ал Финполдо Жумалиевдин бир нече кылмыш иштери болгонун, бирок эки айдан бери эч кандай иш жүрбөй, далилдер аныкталбагандыктан материалдарды УКМКга өткөрүп бергенин кошумчалады. Атайын кызмат өзү дагы жаңы кылмыштарын таап чыгып, камаганын белгиледи.
Жаңылыктар түрмөгү
0