https://sputnik.kg/20210129/sadyr-zhaparov-algachky-zharlyk-kol-kojdu-1051277529.html
Садыр Жапаров президент катары беш жарлыкка кол койду
Садыр Жапаров президент катары беш жарлыкка кол койду
Sputnik Кыргызстан
Мындан башка бир катар жарлыктар иштеп чыгуу стадиясында турат. Президент Садыр Жапаров аларга жакынкы күндөрдө кол коёру белгиленди. 29.01.2021, Sputnik Кыргызстан
2021-01-29T19:23+0600
2021-01-29T19:23+0600
2021-12-14T14:27+0600
жаңылыктар
кыргызстан
саясат
садыр жапаров
президент
жарлык
мигранттар
ишкер
инвестор
https://sputnik.kg/img/07e5/01/1d/1051277306_0:110:2608:1577_1920x0_80_0_0_6ebf950f7bfb064c9a5fa0d9667cb81a.jpg
БИШКЕК, 29-янв. — Sputnik. Кыргызстандын мамлекет башчысы Садыр Жапаров бүгүн, 29-январда, алгачкы жарлыктарына кол койду. Бул тууралуу президенттин маалымат кызматынан билдиришти.Ага ылайык, беш жарлык кабыл алынган. Алар:Президенттин маалымат кызматы ар бир жарлыктын маани-маңызы боюнча дагы түшүндүрмө берген.Биринчи жарлык — жогорку моралдык ченемдерди, каада-салттарды, салттуу болгон үй-бүлөлүк жана коомдук баалуулуктарды, сергек жашоону өздөштүрүүгө багытталган.Экинчи жарлык — ишкерлердин жана инвесторлордун жеке мүлкүн коргоону күчөтүү, ишкердик субъектилердин экономикалык ишмердүүлүгүнө мамлекеттин негизсиз кийлигишүүсүн жокко чыгаруу боюнча чаралар каралган. Ал инвесторлордун ишенимин жогорулатууга, жагымдуу инвестициялык климатты жана ишкер чөйрөнү түзүүгө багытталган.Үчүнчү жарлык — азыркы мезгилде Кыргызстандын көпчүлүк жарандары мамлекеттин чегинен тышкары убактылуу эмгектенүүгө аргасыз болууда. Коронавирус пандемиясынын айынан келип чыккан экономикалык кризис эмгек мигранттарынын абалына терс таасирин тийгизди. Ушул себептен 2020-жылдын мартында алар Кыргызстанга кайтып келе башташты, бул жумушсуздуктун өсүшүнө алып келди. Буга байланыштуу миграциялык процесстерди турукташтыруу максатында атайын жарлыкка кол коюлду.Төртүнчү жарлык — жарандардын мамлекеттик жана муниципалдык кызматка кирүүдө жеткиликтүүлүгүн камсыздоо үчүн шарттарды, бардык кызмат орундарына натыйжалуу кадрдык резервди түзүүгө мүмкүнчүлүк берет. Кызматчыларды кайра даярдоо жана квалификациясын жогорулатуу системасын өркүндөтүүгө, мамлекеттик органдардын жана жергиликтүү өз алдынча башкаруу органдарынын кызматчыларынын карьералык өсүүсү үчүн шарттарды камсыздоого, кадр маселелерин чечүүдө коррупция тобокелдигин төмөндөтүүгө жол ачат.Бешинчи жарлык — жер казынасын пайдалануу чөйрөсүндө ченемдик укуктук базаны өркүндөтүү, мыйзамдарда, мамлекеттик жөнгө салууда орун алган көйгөйлөрдү четтетүү, жер казынасын сарамжалдуу пайдаланууну жана коргоону, өнөр жай жана экологиялык коопсуздукту камсыз кылуу, жер казынасын пайдалануу чөйрөсүнө инвестиция тартуу үчүн шарттарды түзүү жана башкалар боюнча чараларды ишке ашыруу болуп саналат.Аталган жарлык менен Кен кодексинин кабыл алынган учурга карата лицензиясы бар жана жалпы мамлекеттик маанидеги жер казынасын иштеткен ишканаларды кошпогондо, уставдык капиталында мамлекеттин катышуусу 100 пайыз болгон улуттук кен казуу компаниясынын гана жалпы мамлекеттик маанидеги жер казынасынын участкаларын иштетүү каралат.Мындан башка бир катар жарлыктар иштеп чыгуу стадиясында турат. Президент Садыр Жапаров аларга жакынкы күндөрдө кол коёру белгиленди.
https://sputnik.kg/20210129/zhaparovdu-kuttuktagan-prezidentter-1051275783.html
https://sputnik.kg/20210128/sadyr-zhaparov-inauguratsiya-video-1051265207.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, саясат, садыр жапаров, президент, жарлык, мигранттар, ишкер, инвестор
жаңылыктар, кыргызстан, саясат, садыр жапаров, президент, жарлык, мигранттар, ишкер, инвестор
Садыр Жапаров президент катары беш жарлыкка кол койду
19:23 29.01.2021 (Жаңыртылды: 14:27 14.12.2021) Мындан башка бир катар жарлыктар иштеп чыгуу стадиясында турат. Президент Садыр Жапаров аларга жакынкы күндөрдө кол коёру белгиленди.
БИШКЕК, 29-янв. — Sputnik. Кыргызстандын мамлекет башчысы Садыр Жапаров бүгүн, 29-январда, алгачкы жарлыктарына кол койду. Бул тууралуу президенттин маалымат кызматынан билдиришти.
Ага ылайык, беш жарлык кабыл алынган. Алар:
- Жарандардын руханий адеп-ахлагын өнүктүрүү жана жарандардын дене тарбиясы;
- менчикти коргоо жана ишкерлер менен инвесторлорду колдоо;
- миграциялык кырдаалды жакшыртуу;
- жаңы кадрдык саясат;
- Кен казуу тармагын реформалоо.
Президенттин маалымат кызматы ар бир жарлыктын маани-маңызы боюнча дагы түшүндүрмө берген.
Биринчи жарлык — жогорку моралдык ченемдерди, каада-салттарды, салттуу болгон үй-бүлөлүк жана коомдук баалуулуктарды, сергек жашоону өздөштүрүүгө багытталган.
Экинчи жарлык — ишкерлердин жана инвесторлордун жеке мүлкүн коргоону күчөтүү, ишкердик субъектилердин экономикалык ишмердүүлүгүнө мамлекеттин негизсиз кийлигишүүсүн жокко чыгаруу боюнча чаралар каралган. Ал инвесторлордун ишенимин жогорулатууга, жагымдуу инвестициялык климатты жана ишкер чөйрөнү түзүүгө багытталган.
Үчүнчү жарлык — азыркы мезгилде Кыргызстандын көпчүлүк жарандары мамлекеттин чегинен тышкары убактылуу эмгектенүүгө аргасыз болууда. Коронавирус пандемиясынын айынан келип чыккан экономикалык кризис эмгек мигранттарынын абалына терс таасирин тийгизди. Ушул себептен 2020-жылдын мартында алар Кыргызстанга кайтып келе башташты, бул жумушсуздуктун өсүшүнө алып келди. Буга байланыштуу миграциялык процесстерди турукташтыруу максатында атайын жарлыкка кол коюлду.
Төртүнчү жарлык — жарандардын мамлекеттик жана муниципалдык кызматка кирүүдө жеткиликтүүлүгүн камсыздоо үчүн шарттарды, бардык кызмат орундарына натыйжалуу кадрдык резервди түзүүгө мүмкүнчүлүк берет. Кызматчыларды кайра даярдоо жана квалификациясын жогорулатуу системасын өркүндөтүүгө, мамлекеттик органдардын жана жергиликтүү өз алдынча башкаруу органдарынын кызматчыларынын карьералык өсүүсү үчүн шарттарды камсыздоого, кадр маселелерин чечүүдө коррупция тобокелдигин төмөндөтүүгө жол ачат.
Бешинчи жарлык — жер казынасын пайдалануу чөйрөсүндө ченемдик укуктук базаны өркүндөтүү, мыйзамдарда, мамлекеттик жөнгө салууда орун алган көйгөйлөрдү четтетүү, жер казынасын сарамжалдуу пайдаланууну жана коргоону, өнөр жай жана экологиялык коопсуздукту камсыз кылуу, жер казынасын пайдалануу чөйрөсүнө инвестиция тартуу үчүн шарттарды түзүү жана башкалар боюнча чараларды ишке ашыруу болуп саналат.
Аталган жарлык менен Кен кодексинин кабыл алынган учурга карата лицензиясы бар жана жалпы мамлекеттик маанидеги жер казынасын иштеткен ишканаларды кошпогондо, уставдык капиталында мамлекеттин катышуусу 100 пайыз болгон улуттук кен казуу компаниясынын гана жалпы мамлекеттик маанидеги жер казынасынын участкаларын иштетүү каралат.
Мындан башка бир катар жарлыктар иштеп чыгуу стадиясында турат. Президент Садыр Жапаров аларга жакынкы күндөрдө кол коёру белгиленди.
