Кыргызстанда өтүп жаткан президенттик шайлоонун автоматтык урналардын санагы менен чыккан алдын ала жыйынтыгын Борбордук шайлоо комиссиясы жарыялап турат. Инфографикада көрсөтүлгөн маалымат шайлоонун расмий жыйынтыгы болуп эсептелбейт. Акыркы бүтүм добуштардын баары кол менен саналып чыккандан кийин гана белгилүү болот.
Президенттикке 17 киши ат салышууда. Кезексиз шайлоо өткөрүү чечими мурунку өлкө башчы Сооронбай Жээнбековдун отставкасынан кийин кабыл алынган. Президенттик шайлоо менен бирге башкаруу формасы аныктала турган референдум да өтөт.
Шайлоо жана референдумду өткөрүү үчүн 2 474 участок даярдалган, анын 48и чет өлкөдө.
Жалпы жонунан биометрикалык маалымат тапшырган 3 миллион 563 миң 574 кыргызстандык добуш берүү укугуна ээ.
Президенттик шайлоонун жүрүшүн жана алдын ала жыйынтыгын, ошондой эле башка маанилүү маалыматтарды Telegram каналына жарыялап турабыз.
Жаңылыктарды орус тилиндеги Telegram-каналдан да окуп турууга болот.
