БИШКЕК, 30-дек. — Sputnik. Коомдук телерадио корпорациясынын директору болуп Бактияр Алиев шайланды.
Бактияр Алиев
© Фото / пресс-служба КТРК
Анын талапкерлигин колдоп Байкоочу кеңештин 11 мүчөсү добуш берген.
Алгач өлкөнүн башкы телеканалын жетектөө ниетин билдирип 15 талапкер арыз берип, кийин алардын экөө талапкерлигин алып салган.
Байкоочу кеңештин мүчөсү Жылдызбек Керимбаевдин айтымында, талапкерлерди тандоонун үчүнчү этабында 13 талапкердин ичинен 6 талапкер бюллетенге кирген. Ал эми эки талапкер сынактан четтетилген. Калгандары башкаларды көрсөтүп, өз талапкерлигин алып салышкан.
Белгилей кетсек, 5-6-октябрдагы саясий окуялардан кийин КТРКнын мурдагы төрагасы Жайнак Үсөн уулу кызматтан кеткен. Башкы директордун кызмат ордуна 29-октябрда сынак жарыяланган.
