Бишкекте кыздарды чет өлкөгө сойкулукка жиберген аял кармалды

© AFP / JOHAN ORDONEZКишенчен кармалган аял. Архив
Кишенчен кармалган аял. Архив - Sputnik Кыргызстан
Жазылуу
Милиция кармалган аялдан жабыр тарткан жарандар болсо Баңгизатты мыйзамсыз жүгүртүүгө каршы күрөшүү кызматына кайрылууну суранат.

БИШКЕК, 30-дек. — Sputnik. Бишкекте баңгизат сатып жана сойкулук үчүн кыздарды чет өлкөгө жөнөтүп жүргөн аял кармалды. Бул туурасында Ички иштер министрлигинин маалымат кызматы билдирди.

Аны ИИМдин Баңгизатты мыйзамсыз жүгүртүүгө каршы күрөшүү кызматы колго түшүргөн.

"Кармалган 48 жаштагы Р.Е. аттуу аялдын Бишкектеги үйүн тинткенде кара-жашыл түстөгү зат табылып, соттук-химиялык изилдөөгө жөнөтүлдү. Анын жыйынтыгы табылган зат 8 грамм өлчөмүндөгү кара куурай экенин көрсөткөн. Мындан тышкары, алдын ала маалымат боюнча, Р.Е. интимдик кызмат көрсөтүү үчүн кыздарды чет өлкөгө жиберүү менен алектенгени аныкталды", — деп айтылат маалыматта.

Эки кылмышка шектелген аял убактылуу кармоочу жайына киргизилген.

Милиция аты аталган жарандан жабыр тарткан жарандар болсо Баңгизатты мыйзамсыз жүгүртүүгө каршы күрөшүү кызматына кайрылууну суранат. Телефон номери: (0312) 62-08-53, +(996) 500 01-33-53.

Жаңылыктар түрмөгү
0