БИШКЕК, 28-дек. — Sputnik. "Ювентус" клубунун жана Португалиянын футбол боюнча курама командасынын чабуулчусу Криштиану Роналду XXI кылымдын мыкты футболчусу катары Globe Soccer Awards сыйлыгына ээ болду. Бул тууралуу сыйлык берүүчү уюмдун Twitter-аккаунтуна жарыяланды.
🇦🇪 What a beautiful night it was in Dubai. Thank you to all attendees and of course congratulations to all the winners! pic.twitter.com/RBu19kcEAU
— Globe Soccer Awards (@Globe_Soccer) December 27, 2020
35 жаштагы спортчуга сыйлыкты 27-декабрда Дубай шаарында (БАЭ) өткөн салтанат учурунда тапшырышты. Маалыматка караганда, бул наамга "Ливерпулдун" чабуулчусу Мохаммед Салах, бразилиялык футболчу Роналдиньо жана "Барселонанын" капитаны Лионель Месси ат салышкан.
Кийинчерээк футбол жылдызы бул сыйлык ал үчүн өтө маанилүү экенин айтты.
"Мен абдан кубанып жатам! Жакында профессионалдык футболдо жүргөнүмө 20 жыл болот. Кылымдын мыкты футболчусу болуу мен үчүн өтө сыймыктуу жана кубанычтуу нерсе", — деди Роналду.
Couldn’t be happier with tonight’s award! As I’m about to celebrate my 20th year as a professional footballer, Globe Soccer Player Of The Century is a recognition that I receive with so much joy and pride!@Globe_Soccer #globesoccer pic.twitter.com/sAIl3V8ezz
— Cristiano Ronaldo (@Cristiano) December 27, 2020
Мындан тышкары, бул иш-чарада "Бавария" клубунун чабуулчусу Роберт Левандовски жылдын мыкты футболчусу аталды. Ал эми 2020-жылдын эң алдыңкы командасы деп ошол эле "Бавария" табылды.
Жылдын мыкты машыктыруучусу Ханс-Дитер Флик аталса, кылымдын мыкты машыктыруучусу Хосеп Гвардиола болуп калды.
