БИШКЕК, 26-дек. — Sputnik. Мектептерде кышкы каникул 2020-жылдын 30-декабрынан 2021-жылдын 10-январына чейин созулат. Бул тууралуу Билим берүү жана илим министрлигинен кабарлашты.
Билдирмеге караганда, 11-январь күнү үчүнчү чейректин окуусу башталат.
"Мектеп окуучулары 12 күн эс алышат", — деп айтылат маалыматта.
Белгилей кетсек, өлкөдө жана борбор калаада эпидемиологиялык кырдаал жакшырса, үчүнчү чейректен баштап Бишкектин мектептеринде окуу кадимки тартипте жүрүшү ыктымал. Бул боюнча мэрия жана министрлик билдирген. Азыркы тапта өлкөдө 1 915 мектепте окуу салттуу түрдө уланып жатат.
