Кыргыздын мыкты балбандарын таптаган машыктыруучулар наам алышты. Сүрөт

© Sputnik / Табылды КадырбековКыргызстандык балбан Урмат Аматов машыктыруучулар менен. Архив
Кыргызстандык балбан Урмат Аматов машыктыруучулар менен. Архив - Sputnik Кыргызстан
Жазылуу
Жаштар иши, дене тарбия жана спорт боюнча мамлекеттик агенттиктин алдындагы Спорттун олимпиадалык түрлөрү боюнча дирекциясы бир катар спорт адамдарын сыйлады.

БИШКЕК, 25-дек. — Sputnik. Жаштар иши, дене тарбия жана спорт боюнча мамлекеттик агенттик спорттун олимпиадалык түрлөрү боюнча бир катар машыктыруучуларга спорттук наам ыйгарды. Бул тууралуу мекеменин маалымат кызматы кабарлады.

Кечээ, 24-декабрда, агенттиктин алдындагы Спорттун олимпиадалык түрлөрү боюнча дирекциясы өлкөнүн спорт тармагын өнүктүрүүгө кошкон салымы үчүн күрөштүн машыктыруучуларын жана Күрөш федерациясынын өкүлдөрүн сыйлады.

"Кыргыз Республикасынын дене тарбия жана спортунун отличниги" наамы төмөнкү спорт адамдарына ыйгарылды:

  • Азат Эркимбаев — КРдин грек-рим күрөшү боюнча улуттук команданын башкы машыктыруучусу;
  • Улукбек Карачолоков — КРдин грек-рим күрөшү боюнча улуттук команданын ага машыктыруучусу;
  • Арсен Эралиев — грек-рим күрөшү боюнча 23 жашка чейинкилердин (U-23) ага машыктыруучусу;
  • Исламбек Тазабеков — эркин күрөш боюнча 23 жашка чейинкилердин (U-23) ага машыктыруучусу;
  • Айбек Моңолов — Күрөш федерациясынын вице-президенти;
  • Ахрор Иминов — Күрөш федерациясынын вице-президенти.

Ошондой эле кадеттер арасындагы кыз-келиндер күрөшү боюнча ага машыктыруучу Үсөналы Рыскулов жана өспүрүмдөр арасындагы эркин күрөш боюнча ага машыктыруучу Нурдин Донбаев Мамлекеттик агенттиктин Ардак грамотасы менен сыйланышты.

Ардактуу наамдарды аталган дирекциянын башчысы Жоомарт Шамканов тапшырды.

Жаңылыктар түрмөгү
0